ഹരീഷ് കണാരന്‍ നായകനായി അഭിനയിക്കുന്ന ഉല്ലാസപ്പൂത്തിരികള്‍ എന്ന ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി. മെയ് മാസത്തില്‍ ചിത്രം പ്രദര്‍ശനത്തിനെത്തും. നവാഗതനായ ബിജോയ് ജോസഫാണ് സംവിധായകന്‍.
ജെമിനി സ്റ്റുഡിയോസ് അവതരിപ്പിക്കുന്ന ഈ ചിത്രം റിയാണോ റോസ് പ്രൊഡക്ഷന്‍സിന്റെ ബാനറില്‍ ജോണ്‍ കുടിയാന്‍മലയും ഹരീഷ് കണാരനും ചേര്‍ന്നാണ് നിര്‍മ്മിക്കുന്നത്. ഹരീഷ് കണാരന്റെ ആദ്യ നിര്‍മ്മാണ സംരംഭംകൂടിയാണ് ഈ ചിത്രം.
ഒരു ഗ്രാമീണപശ്ചാത്തലത്തിലാണ് ഉല്ലാസപ്പൂത്തിരികളുടെ കഥ പറയുന്നത്. ഒരു സര്‍ക്കാര്‍ ജീവനക്കാരന്റെ ജീവിതത്തില്‍ അരങ്ങേറുന്ന സംഭവങ്ങള്‍ രസാവഹവും ഹൃദയസ്പിയുമായി അവതരിപ്പിക്കുകയാണ് ചിത്രത്തിലൂടെ.
ജോജു ജോര്‍ജ്, സൗബിന്‍ ഷാഹിര്‍, അജു വര്‍ഗീസ്, സലിംകുമാര്‍, ജോണി ആന്റണി, ഇടവേള ബാബു, നിര്‍മ്മല്‍ പാലാഴി, സരയു, സീനത്ത് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. പിആര്‍ഒ വാഴൂര്‍ജോസ്.
Recent Comments