ധ്യാന്‍ ശ്രീനിവാസന്‍ പ്രധാന കഥാപാത്രത്തിലെത്തുന്ന ‘സൂപ്പര്‍ സിന്ദഗി’യുടെ ചിത്രീകരണം പൂര്‍ത്തിയായി. വിന്റെഷാണ് സംവിധായകന്‍. 666 പ്രൊഡക്ഷന്‍സിന്റെ ബാനറില്‍ ഹസീബ് മേപ്പാട്ട്, സത്താര്‍ പടനേലകത്ത് എന്നിവര്‍ ചേര്‍ന്നാണ് നിര്‍മ്മിക്കുന്നത്. ലാല്‍ജോസ് എന്ന ചിത്രത്തിനുശേഷം ഈ ബാനറില്‍ നിര്‍മ്മിക്കുന്ന രണ്ടാമത്തെ ചിത്രമാണ് സൂപ്പര്‍ സിന്ദഗി. വിന്റെഷും പ്രജിത്ത് രാജുവും ചേര്‍ന്ന് തിരക്കഥ രചിച്ച ചിത്രത്തിന് സംഭാഷണം എഴുതിയിരിക്കുന്നത് അഭിലാഷ് ശ്രീധരനാണ്.
കണ്ണൂര്‍, മൈസൂര്‍, ബാംഗ്ലൂര്‍ എന്നിവിടങ്ങളിലായിട്ടായിരുന്നു ഷൂട്ടിംഗ്. പാര്‍വതി നായര്‍, മുകേഷ്, ജോണി ആന്റണി, സുരേഷ് കൃഷ്ണ, കലേഷ്, ശ്രീവിദ്യ മുല്ലശ്ശേരി, ഡയാന ഹമീദ്, മാസ്റ്റര്‍ മഹേന്ദ്രന്‍ തുടങ്ങിയവരും ചിത്രത്തില്‍ അഭിനയിക്കുന്നു.
എല്‍ദൊ ഐസക് ഛായാഗ്രഹണം നിര്‍വ്വഹിച്ച ചിത്രത്തിന്റെ എഡിറ്റര്‍ ലിജോ പോളാണ്. സൂരജ് എസ് കുറുപ്പിന്റെതാണ് സംഗീതം. പി.ആര്‍.ഒ: ശബരി.
Recent Comments