സിജു വില്‍സന്‍ നായകനാകുന്ന ചിത്രത്തിന്റെ ഷൂട്ടിംഗ് കണ്ണൂരില്‍ ആരംഭിച്ചു. നവാഗതനായ ഉല്ലാസ് കൃഷ്ണയാണ് സംവിധായകന്‍.
എം. പത്മകുമാര്‍, മേജര്‍ രവി, ശ്രീകുമാര്‍ മേനോന്‍, സമുദ്രക്കനി എന്നിവര്‍ക്കൊപ്പം സംവിധാന സഹായിയായി പ്രവര്‍ത്തിച്ചിട്ടുണ്ട് ഉല്ലാസ് കൃഷ്ണ. ഉല്ലാസ് കൃഷ്ണ സ്വതന്ത്ര സംവിധായകനാകുന്ന ചിത്രം കൂടിയാണിത്. ടൊവിനോ തോമസ് പ്രൊക്ഷന്‍സാണ് ഈ ചിത്രം അവതരിപ്പിക്കുന്നത്. റിയോണ റോണ പ്രൊഡക്ഷന്‍സിന്റെ ബാനറില്‍ ജോണ്‍ കു ടിയാന്‍മല, സജ്മനിസാം, ബാബുപ്രസാദ്, ബിബിന്‍ ജോഷ്വാ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. അഭിലാഷ് അര്‍ജനുനാണ് എക്‌സിക്കുട്ടീവ് പ്രൊഡ്യൂസര്‍.
തളിപ്പറമ്പ് ഹൊറൈസണ്‍ ഇന്റര്‍നാഷണല്‍ ഹോട്ടലില്‍ നടന്ന ലളിതമായ ചടങ്ങില്‍ സംവിധായകന്‍ എം. പത്മകുമാര്‍ സ്വിച്ചോണ്‍ കര്‍മ്മം നിര്‍വ്വഹിച്ചു. സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍ മാസ്റ്റര്‍ ഫസ്റ്റ് ക്ലാപ്പും നല്‍കി. എം.വി. ഗോവിന്ദന്‍ മാസ്റ്റര്‍, എം. പത്മകുമാര്‍, എം. രാജന്‍ തളിപ്പറമ്പ് എന്നിവര്‍ ചേര്‍ന്നാണ് ഭദ്രദീപം തെളിയിച്ചത്.
ഒരു മെയില്‍ നഴ്സിന്റേയും ഫീമെയില്‍ നഴ്സിന്റേയും ജീവിതത്തിലൂടെയാണ് ചിത്രത്തിന്റെ കഥാപുരോഗതി. സിജു വില്‍ സനാണ് നായകന്‍. വേല എന്ന ചിത്രത്തിലൂടെ ശ്രദ്ധേയയായ നമൃതയാണ് നായിക. സിദ്ദിഖ്, ബാലു വര്ഗീസ്, ധീരജ് ഡെന്നി, മനോജ് കെ.യു., ലെന എന്നിവരും പ്രധാന വേഷങ്ങളില്‍ എത്തുന്നു. ഇവര്‍ക്കൊപ്പം ഏതാനും പുതുമുഖങ്ങളും ചിത്രത്തിന്റെ ഭാഗമാകുന്നു.
സന്ദീപ് സദാനന്ദനും ദീപു എസ്. നായരും ചേര്‍ന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്. സംഗീതം രാഹുല്‍ രാജ്, ഛായാഗ്രഹണം രവിചന്ദ്രന്‍, എഡിറ്റിംഗ് അഖിലേഷ് മോഹന്‍, കോസ്റ്റിയൂം ഡിസൈന്‍ അരുണ്‍ മനോഹര്‍, മേക്കപ്പ് ജിത്തു പയ്യന്നൂര്‍, പ്രൊഡക്ഷന്‍ മാനേജര്‍ നജീര്‍, പ്രൊഡക്ഷന്‍ എക്‌സിക്കുട്ടിവ് പ്രസാദ് നമ്പ്യാങ്കാവ്, പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണന്‍, പി.ആര്.ഒ വാഴൂര്‍ ജോസ്, സ്റ്റില്‍സ് ജെഫ്രിന്‍ ബിജോയ്.
കണ്ണൂരും പരിസരങ്ങളിലുമായി ചിത്രത്തിന്റെ ഷൂട്ടിംഗ് പൂര്‍ത്തിയാകും.
Recent Comments