സൂററൈ പോട്ര് എന്ന ചിത്രത്തിന്റെ ഹിന്ദി റീമേക്കിന് സര്‍ഫിറാ എന്ന് പേരിട്ടു. ചിത്രത്തില്‍ അക്ഷയ് കുമാറാണ് നായകന്‍. സൂററൈ പോട്ര് സംവിധാനം ചെയ്ത സുധാ കൊങ്കര തന്നെയാണ് സര്‍ഫിറായുടെയും സംവിധായക. സിനിമയുടെ പേര് പ്രഖ്യാപിച്ചുകൊണ്ടുള്ള വീഡിയോയും അണിയറപ്രവര്‍ത്തകര്‍ പുറത്തിറക്കിയിട്ടുണ്ട്. അക്ഷയ് കുമാറിന്റെ കഥാപാത്രത്തെ കാണിക്കുന്ന രംഗങ്ങളും വീഡിയോയിലുണ്ട്.
സുധാ കൊങ്കരയും മലയാളിയായ ശാലിനി ഉഷാദേവിയും ചേര്‍ന്നാണ് തിരക്കഥ ഒരുക്കുന്നത്. പരേഷ് റാവല്‍, രാധികാ മദന്‍, സീമാ ബിശ്വാസ് എന്നിവരാണ് ചിത്രത്തിലെ മറ്റുതാരങ്ങള്‍. അരുണ ഭാട്ടിയ, സൂര്യ, ജ്യോതിക, വിക്രം മല്‍ഹോത്ര എന്നിവരാണ് ചിത്രം നിര്‍മിച്ചിരിക്കുന്നത്. ജൂലൈ 12-ന് സര്‍ഫിറാ തിയേറ്ററുകളിലെത്തും.
ജി.ആര്‍. ഗോപിനാഥിന്റെ ജീവിതം ആസപ്ദമാക്കിയുള്ള സിനിമയായിരുന്നു സൂരറൈ പോട്ര്. ചിത്രത്തിലെ അഭിനയത്തിന് സൂര്യക്കും നായിക അപര്‍ണാ ബാലമുരളിക്കും ആ വര്‍ഷത്തെ മികച്ച നടനും നടിക്കുമുള്ള ദേശീയ പുരസ്‌കാരങ്ങള്‍ ലഭിച്ചിരുന്നു. മികച്ച ഫീച്ചര്‍ സിനിമയ്ക്കുള്ള പുരസ്‌കാരവും സൂററൈ പോട്രിനായിരുന്നു.
Recent Comments