രാജ്കുമാര്‍ ഹിറാനി- ഷാരൂഖ് ഖാന്‍ കൂട്ടുകെട്ടിന്റെ ആദ്യ ചിത്രമായ ഡങ്കി ക്രിസ്തുമസിന് തിയറ്ററുകളില്‍ എത്തുകയാണ്. ചിത്രത്തിന്റെ ട്രെയിലറും പോസ്റ്ററുകളുമെല്ലാം ജനശ്രദ്ധ നേടി കഴിഞ്ഞു. 2023 ഷാരൂഖ് ഖാന്‍ വന്‍ തിരിച്ചുവരവ് നടത്തിയ വര്‍ഷമാണ്. ഈ വര്‍ഷം ജനുവരിയിലിറങ്ങിയ പത്താനും സെപ്റ്റംബറില്‍ വന്ന ജവാനും വലിയ വിജയമായതിന് പിന്നാലെയാണ് ഡങ്കിയെത്തുന്നത്. ചിത്രത്തിന്റെ കേരളത്തിലെയും തമിഴ് നാട്ടിലെയും വിതരണാവകാശം സ്വന്തമാക്കിയിരിക്കുന്നത് ഗോകുലം മൂവീസാണ്.
ബൊമന്‍ ഇറാനി, തപ്‌സി പന്നു, വിക്കി കൗശല്‍, വിക്രം കൊച്ചാര്‍, അനില്‍ ഗ്രോവര്‍ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. റെഡ് ചില്ലീസ് എന്റര്‍ടെയിന്‍മെന്റിന്റെ ബാനറില്‍ രാജ്കുമാര്‍ ഹിറാനി ഫിലിംസും, ജിയോ സ്റ്റുഡിയോയും ചേര്‍ന്നാണ് ഡങ്കി നിര്‍മ്മിക്കുന്നത്. മലയാളിയായ സി. മുരളീധരനാണ് ചിത്രത്തിന്റെ ഛായാഗ്രാഹകന്മാരില്‍ ഒരാള്‍.
‘ഷാരൂഖ് ഖാന്‍ നായകനായെത്തിയ ‘ജവാന്’ കേരളത്തിലും തമിഴ്നാട്ടിലും വിതരണത്തിനെത്തിച്ചത് ശ്രീഗോകുലം മൂവീസായിരുന്നു. ജവാന് ശേഷം ‘ഡങ്കി’യും ഞങ്ങള്‍ തന്നെയാണ് വിതരണത്തിനെത്തിക്കുന്നത്. ഇത് തികച്ചും സന്തോഷം പകരുന്ന കാര്യമാണ്. ‘ഡങ്കി’യുടെ കേരളത്തിലെയും തമിഴ് നാട്ടിലെയും ഡിസ്ട്രിബ്യൂഷന്‍ പാര്‍ട്ണര്‍ ഡ്രീം ബിഗ് ഫിലിംസാണ്. കിംങ് ഖാന്‍ ഷാരൂഖ് ഖാനോടൊപ്പം സഹകരിച്ചുകൊണ്ട് വീണ്ടുമൊരു സിനിമ ചെയ്യാന്‍ സാധിച്ചതില്‍ അഭിമാനമുണ്ട്. ഒപ്പം ഇനിയും ഒരുപാട് ചിത്രങ്ങള്‍ അദ്ദേഹത്തോടൊപ്പം ചെയ്യാന്‍ സാധിക്കുമെന്ന പ്രതീക്ഷയും ഞങ്ങള്‍ക്കുണ്ട്.’ ശ്രീഗോകുലം മൂവീസിന്റെ എക്സിക്യൂട്ടീവ് പ്രൊഡ്യുസര്‍ കൃഷ്ണമൂര്‍ത്തി പറഞ്ഞു.
മുംബൈ, ജബല്‍പൂര്‍, കാശ്മീര്‍, ബുഡാപെസ്റ്റ്, ലണ്ടന്‍, ജിദ്ദ, നിയോം എന്നിവിടങ്ങളാണ് ലൊക്കേഷന്‍. ചിത്രത്തിന് അമന്‍ പന്ത് പശ്ചാത്തലസംഗീതവും പ്രീതം പാട്ടുകള്‍ ഒരുക്കുന്നു. ചിത്രം ഡിസംബര്‍ 21 മുതല്‍ തിയറ്ററുകളിലെത്തും.
Recent Comments