ഹണി റോസിനെ കേന്ദ്ര കഥാപാത്രമാക്കി സംവിധായകന്‍ എബ്രിഡ് ഷൈന്‍ അവതരിപ്പിക്കുന്ന റേച്ചലിന്റെ ടീസര്‍ പുറത്തിറങ്ങി . ആനന്ദിനി ബാലയാണ് ചിത്രം സംവിധാനം ചെയ്തിരിക്കുന്നത്. ഹണിക്ക് പുറമേ ബാബുരാജ്, കലാഭവന്‍ ഷാജോണ്‍,ജാഫര്‍ ഇടുക്കി, വിനീത് തട്ടില്‍, ചന്തു സലീംകുമാര്‍, രാധിക രാധാ കൃഷ്ണന്‍, ദിനേശ് പ്രഭാകര്‍, പോളി വത്സന്‍ എന്നിവരാണ് മറ്റു കഥാപാത്രങ്ങളാകുന്നത്.
കന്നഡ, തെലുങ്ക്, തമിഴ്, ഹിന്ദി ഭാഷകളിലും പുറത്തിറങ്ങുന്ന ചിത്രത്തില്‍ പ്രതികാര കഥയാകും പറയുന്നതെന്നാണ് ടീസര്‍ നല്‍കുന്ന സൂചന. വയലന്‍സ് രംഗങ്ങള്‍ നിറഞ്ഞ ടീസറാണ് പുറത്തിറക്കിയത്. ഇതുവരെ കണ്ടിട്ടില്ലാത്ത ബോള്‍ഡ് ലുക്കിലാണ് ഹണി റോസ് ചിത്രത്തില്‍ പ്രത്യക്ഷപ്പെടുന്നത്.
ബാദുഷ പ്രൊഡക്ഷന്‍സിന്റെ ബാനറില്‍ ബാദുഷ എന്‍ എം, രാജന്‍ ചിറയില്‍, എബ്രിഡ് ഷൈന്‍ എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്. സ്വരൂപ് ഫിലിപ്പാണ് ഛായാഗ്രാഹകന്‍. രാഹുല്‍ മണപ്പാട്ടിന്റേ കഥയ്ക്ക് രാഹുലും എബ്രിഡ് ഷൈനും ചേര്‍ന്നാണ് തിരക്കഥയൊരുക്കുന്നത്.
Recent Comments