കുമരി മാവട്ടത്തിന്‍ തഗ്‌സ് എന്ന ചിത്രത്തിന്റെ താരനിബിഢമായ ക്യാരക്ടര്‍ റിലീസ് ചടങ്ങ് ചെന്നൈ സത്യം തിയേറ്ററില്‍ നടന്നു. ബൃന്ദ മാസ്റ്റര്‍ സംവിധാനം ചെയ്യുന്ന മുഴുനീള ആക്ഷന്‍ ചിത്രത്തിലെ നായകന്‍ ഹൃദു ഹറൂണിനെ സംവിധായകന്‍ എസ്സ്.എസ്സ്. രാജമൗലി സദസ്സിന് പരിചയപ്പെടുത്തി. ‘ആമസോണില്‍ ഏറെ ഹിറ്റായ ക്രാഷ് കോഴ്‌സ് സീരിസിലെ മുഖ്യ വേഷത്തിലും സന്തോഷ് ശിവന്‍ സംവിധാനം ചെയ്ത മുംബൈക്കാര്‍ എന്ന ചിത്രത്തിലെ കേന്ദ്ര കഥാപാത്രത്തെയും ഹൃദു നല്‍കിയ ഗംഭീര പ്രകടനം ഒരിക്കല്‍ കൂടി ഈ സിനിമയില്‍ പ്രതീക്ഷിക്കാ’മെന്ന് നടന്‍ ആര്യ ചടങ്ങില്‍ ഓര്‍മപ്പെടുത്തി.
തെന്നിന്ത്യന്‍ സംവിധായകന്‍ കെ ഭാഗ്യരാജ്, ഗൗതം മേനോന്‍, ചലച്ചിത്ര താരങ്ങളായ പാര്‍ത്ഥിപന്‍, ദേസിങ്, ഖുശ്ബു, പൂര്‍ണിമ ഭാഗ്യരാജ്, കലാ മാസ്റ്റര്‍, രവി അരശ് തുടങ്ങി നിരവധി ചലച്ചിത്രതാരങ്ങള്‍ ചടങ്ങില്‍ തഗ്‌സ് ചിത്രത്തിന് ആശംസകള്‍ നേര്‍ന്നു.
സംഗീതം സാം സി എസ്സ്, ഛായാഗ്രഹണം പ്രിയേഷ് ഗുരുസ്വാമി, എഡിറ്റിംഗ് പ്രവീണ്‍ ആന്റണി, പ്രൊഡക്ഷന്‍ ഡിസൈനര്‍ ജോസഫ് നെല്ലിക്കല്‍, പ്രൊജക്ട് കോ-ഓര്‍ഡിനേറ്റര്‍ എം കറുപ്പയ്യ, എക്‌സിക്യൂട്ടീവ് പ്രൊഡ്യൂസര്‍ യുവരാജ്.
സിംഹ, ആര്‍.കെ. സുരേഷ്, മുനിഷ് കാന്ത്, അനശ്വരാ രാജന്‍ തുടങ്ങി നീണ്ട താരനിരതന്നെ ചിത്രത്തിലുണ്ട്. ബ്ലോക്ക് ബസ്റ്റര്‍ ചിത്രങ്ങളായ വിക്രം, ആര്‍ആര്‍ആര്‍, ഡോണ്‍ എന്നിവയുടെ കേരളത്തിലെ വിതരണക്കാരായ റിയാ ഷിബുവിന്റെ എച്ച്ആര്‍ പിക്‌ചേഴ്‌സാണ് ചിത്രം പ്രൊഡ്യൂസ് ചെയ്യുന്നത്. തമിഴിന് പുറമെ ഹിന്ദി, തെലുങ്ക്, കന്നഡ ഭാഷകളില്‍ ചിത്രം തിയേറ്ററില്‍ റിലീസ് ചെയ്യും. പിആര്‍ഒ പ്രതീഷ് ശേഖര്‍.
Recent Comments