‘പതിനൊന്ന് വര്‍ഷങ്ങള്‍ക്കുമുമ്പ് ഞങ്ങളെ ആദ്യമായി പ്രേക്ഷകര്‍ക്കു മുന്നില്‍ പരിചയപ്പെടുത്തിയത് മമ്മൂക്കയാണ്. വിനീത് ശ്രീനിവാസന്‍ സംവിധാനം ചെയ്ത മലര്‍വാടി ആര്‍ട്ട്‌സ് ക്ലബ്ബിന്റെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തുകൊണ്ടായിരുന്നു അത്. മണിക്കൂറുകള്‍ക്കുമുമ്പാണ് കെങ്കേമം എന്ന ചിത്രത്തിന്റെ ഫസ്റ്റ് ലുക്ക് പോസ്റ്ററും റിലീസായത്. പെട്ടെന്നെനിക്ക് മമ്മൂക്കയെ ഓര്‍മ്മവന്നു. കാരണം മറ്റൊന്നുമല്ല, ഈ ചിത്രത്തില്‍ മമ്മൂക്കയുടെ ഫാനായിട്ടാണ് ഞാന്‍ അഭിനയിക്കുന്നത്. വ്യക്തിപരമായി എനിക്കേറ്റവും ഇഷ്ടമുള്ള അഭിനേതാവാണ് മമ്മൂക്ക. എന്റെ റോള്‍ മോഡല്‍. അങ്ങനെയൊരാളുടെ ആരാധകന്റെ വേഷം കിട്ടിയതുതന്നെ സന്തോഷമുള്ള കാര്യമാണ്. ഫാന്‍സുകാരുടെ കഥ പറയുന്ന ചിത്രമാണ് കെങ്കേമം. അവരുടെ യഥാര്‍ത്ഥ ജീവിതാവിഷ്‌ക്കാരമാണ് സിനിമ. കുറെ നല്ല നര്‍മ്മമുഹൂര്‍ത്തങ്ങളുമുണ്ട്.
സലിംകുമാര്‍, നോബി, ലെവിന്‍ തുടങ്ങിയവരും ഈ ചിത്രത്തിന്റെ ഭാഗമാകുന്നു. നവാഗതനായ ഷാമോനാണ് സംവിധായകന്‍. ഡിസംബറില്‍ ചിത്രം തീയേറ്ററുകളില്‍ പ്രദര്‍ശനത്തിനെത്തും.’ ഭഗത് മാനുവല്‍ പറഞ്ഞു.
Recent Comments