ഷൈന്‍ ടോം ചാക്കോയും അഹാന കൃഷ്ണയും ആദ്യമായി ഒന്നിക്കുന്ന ചിത്രമാണ് അടി. ചിത്രത്തിലെ അഹാനയുടെ പ്രകടനം ഞെട്ടിച്ചുവെന്ന് സംഗീത സംവിധായകന്‍ ഗോവിന്ദ് വസന്ത പറയുന്നു. ‘താന്‍ മുന്‍പ് അഹാനയുടെ ഫാന്‍ ആയിരുന്നില്ല. എന്നാല്‍ സിനിമയിലെ പ്രകടനം അഹാനയുടെ കരിയര്‍ ബെസ്റ്റാണ്.’ ഗോവിന്ദ് വസന്ത പറഞ്ഞു. ‘അടി’ എന്ന ചിത്രത്തിന്റെ പ്രസ് മീറ്റില്‍ പങ്കെടുത്ത് സംസാരിക്കുകയായിരുന്നു ഗോവിന്ദ്. ഏപ്രില്‍ 14 ന് ചിത്രം തീയേറ്ററില്‍ പ്രദര്‍ശനത്തിനെത്തും.
ഷൈന്‍ ടോം ചാക്കോയുടെ ഏറെ വ്യത്യസ്തമായ ഒരു മുഖം നിങ്ങള്‍ക്ക് ഈ ചിത്രത്തില്‍ കാണാം. അഭിമുഖങ്ങളില്‍ നിങ്ങള്‍ കാണുന്ന ഷൈനേ അല്ല അത്. ഇനി ഒരുപക്ഷേ ഷൈന്‍ ടോം ചാക്കോ ഇന്നോളം അവതരിപ്പിച്ചിട്ടില്ലാത്ത ഒരു കഥാപാത്രം കൂടിയാണ് ‘അടി’യിലേത്. സംവിധായകന്‍ പ്രശോഭ് വിജയന്‍ പറഞ്ഞു. ധ്രുവന്‍, തിരക്കഥാകൃത്ത് രതീഷ് രവി എന്നിവരും പ്രസ് മീറ്റില്‍ പങ്കെടുത്തു.
ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫെറര്‍ ഫിലിംസാണ് അടി നിര്‍മിക്കുന്നത്. ‘വരനെ ആവശ്യമുണ്ട്’, ‘മണിയറയിലെ അശോകന്‍’, ‘കുറുപ്പ്’ എന്നീ ചിത്രങ്ങള്‍ക്ക് ശേഷം ദുല്‍ഖര്‍ നിര്‍മിച്ച ചിത്രം കൂടിയാണ് ‘അടി’. ‘ലില്ലി’, ‘അന്വേഷണം’ എന്നീ ചിത്രങ്ങള്‍ക്കു ശേഷം പ്രശോഭ് വിജയന്‍ സംവിധാനം ചെയ്യുന്ന ചിത്രമാണ് ‘അടി’. ഫായിസ് സിദ്ധിഖാണ് ചിത്രത്തിന്റെ ഛായാഗ്രാഹണം നിര്‍വഹിച്ചിരിക്കുന്നത്.
Recent Comments