മലയാള ചലച്ചിത്ര നടിയും ടിവി അവതാരകയുമായി നമുക്ക് ഏറെ സുപരിചിതയാണ് മാലാ പാര്‍വതി. ഉറച്ച നിലപാടുകളിലൂടെ മാധ്യമശ്രദ്ധ പിടിച്ചു പറ്റിയ ഇവര്‍, നാടകരംഗത്തും തിളങ്ങി നില്‍ക്കുന്നു. ‘ഞാന്‍ സൈക്കോളജിയാണ് പഠിച്ചത് എങ്കിലും സിനിമാരംഗമാണ് എന്റെ പ്രവര്‍ത്തനമേഖല’ അവര്‍ പറഞ്ഞു.
നടനും സംവിധായകനുമായ ജോയ് കെ മാത്യു ചെയര്‍മാനായ ഗ്ലോബല്‍ മലയാളം സിനിമ നിര്‍മ്മിക്കുന്ന ആദ്യ രണ്ട് മലയാള സിനിമകളില്‍ ഒന്നിന്റെ ടൈറ്റില്‍ റിലീസ് ചെയ്ത് സംസാരിക്കുകയായിരുന്നു മാല പാര്‍വ്വതി. ‘എയ്ഞ്ചല്‍സ് ആന്‍ഡ് ഡെവിള്‍സ്’ എന്ന ചിത്രത്തിന്റെ ടൈറ്റിലാണ് മാല പാര്‍വതി റിലീസ് ചെയ്തത്. എയ്ഞ്ചല്‍ ആയ ഒരു വ്യക്തിത്വം തനിക്ക് ഉണ്ടെന്ന് വിശ്വസിക്കുന്നില്ലെന്ന് അവര്‍ പറഞ്ഞു. എല്ലാവരുടെയും ഉള്ളില്‍ നന്മയും തിന്മയും ഒക്കെയുണ്ട്, ആണിലും പെണ്ണിലും ഉണ്ട്. ഒരു നന്മമരം- അങ്ങനെ ഒന്നില്ല. അതുകൊണ്ടാണ് നമുക്കൊക്കെ അഭിനയിക്കാനും പറ്റുന്നത്. നമ്മുടെ തലച്ചോറില്‍ തന്നെ പുലിയും പൂച്ചയും മുയലും സിംഹവും പാമ്പും ഒക്കെ ഉണ്ട്. അപ്പോ ഇതിനെയൊക്കെ കണ്ടെത്തിയാണ് നമ്മള്‍ പലപ്പോഴും കഥാപാത്രങ്ങളെയൊക്കെ അവതരിപ്പിക്കുന്നത്. അങ്ങനെ ഒരു നല്ല വ്യക്തി എന്നുള്ള തെറ്റിദ്ധാരണ തന്നെക്കുറിച്ചും വേണ്ട. താനും ഒരു സാധാരണ സ്ത്രീയാണ്, മാല പാര്‍വ്വതി പറയുന്നു. സിനിമയില്‍ എത്രകാലം ഇങ്ങനെ നില്‍ക്കാന്‍ പറ്റുമെന്ന് അറിയില്ല, അഭിപ്രായങ്ങള്‍ തുറന്നു പറയുന്നതു കൊണ്ടുള്ള സമ്മര്‍ദ്ദങ്ങളുണ്ട്. മാല പാര്‍വ്വതി പറഞ്ഞു.
Recent Comments