നടന്‍ ബാല ഭാര്യ കോകിലയോടൊപ്പം തന്റെ മനോഹരമായ വീടിന്റെ വീഡിയോ ഇപ്പോള്‍ സമൂഹമാധ്യമങ്ങളില്‍ വൈറല്‍യായിരിക്കുകയാണ്. ഫോട്ടോഗ്രാഫറായ ശാലു പേയാടിനെ ടാഗ് ചെയ്താണ് വീഡിയോ പങ്കുവച്ചിരിക്കുന്നത്.
‘ഞാന്‍ നിങ്ങളുടെ ബിഗ് ബി ബാലയായി തിരികെ വരും. മനോഹരമായ ഈ വീടിന്റെ സ്രഷ്ടാവ് ഷാലു കെ. ജോര്‍ജിനും സിനിമാട്ടോഗ്രാഫറും എന്റെ പ്രിയപ്പെട്ട അനുജനുമായ ശാലു പേയാടിനും നന്ദി. ഞാന്‍ കൊച്ചി വിട്ടു. പക്ഷേ, ഞാന്‍ എന്നും നിങ്ങളുടെ ഹൃദയത്തില്‍ നിറഞ്ഞുനില്‍ക്കുമെന്ന് വിശ്വസിക്കുന്നു.’ വീഡിയോയ്‌ക്കൊപ്പം ബാല കുറിച്ചു.
View this post on Instagram
‘വൈക്കത്താണ് ഇപ്പോള്‍ ബാലചേട്ടന്‍ വീട് വച്ചിരിക്കുന്നത്. കോകില മാഡവും ബാല ചേട്ടനും അവിടെയാണ് താമസിക്കാന്‍ പോകുന്നത്. ബാല സംവിധാനം ചെയ്യുന്ന ഒരു ചെറിയ സിനിമ വരുന്നുണ്ട്. അത് ഷൂട്ട് ചെയ്യാനുള്ള സ്‌പേസും ഒരു ചെറിയ വീടുമാണ് ഉള്ളത്. പടം മുഴുവന്‍ അവിടെ ഷൂട്ട് ചെയ്യാനാണ് തീരുമാനിച്ചിരിക്കുന്നത് എന്നാണ് എനിക്ക് കിട്ടിയ അറിവ്. നഗരതിരക്കില്‍നിന്ന് ഒഴിഞ്ഞ് ചെടികളും ചുറ്റുപാടും മരങ്ങളുമൊക്കെയായി കായലിന് സമീപത്താണ് വീട് നില്‍ക്കുന്നത്. വളരെ മനോഹരമായ ഒരു വീടാണ് അത്. വീടിന്റെ ഫോട്ടോയും വീഡിയോയും എടുക്കാന്‍ ബാലചേട്ടന്‍ എന്നെയാണ് ഏല്‍പ്പിച്ചിരുന്നത്. അങ്ങനെ ഞാന്‍ എടുത്ത വീഡിയോയാണ് ബാലചേട്ടന്‍ പോസ്റ്റ് ചെയ്തത്.’ ശാലുപേയാട് പറഞ്ഞു.
വിവാഹത്തിനുശേഷം കേരളം വിടുകയാണ് എന്ന് നടന്‍ ബാല നേരത്തെ പറഞ്ഞിരുന്നു. എന്നാല്‍ തല്‍ക്കാലം കൊച്ചിവിട്ട് വൈക്കത്തേക്കാണ് താമസം മാറ്റിയിരിക്കുന്നത്.
Recent Comments