മമ്മൂട്ടി നായകനാകുന്ന ജിയോബേബി ചിത്രത്തില്‍ ജ്യോതിക ജോയിന്‍ ചെയ്തത് ഇന്നലെയായിരുന്നു. അതിനും തലേന്ന് അവര്‍ കൊച്ചിയില്‍ എത്തിയിരുന്നു.
പെരുമ്പാവൂര്‍ പുത്തന്‍കുരിശിനടുത്തായിരുന്നു ഇന്നലെ ഷൂട്ടിംഗ്. രാവിലെ ഒന്‍പത് മണിയോടെ ജ്യോതിക ലൊക്കേഷനിലെത്തി. ബ്ലാക്ക് പാന്റും പീച്ച് ട്രാക്ക് സ്യൂട്ടുമായിരുന്നു വേഷം. ജ്യോതിക എത്തുമ്പോള്‍ മമ്മൂട്ടി സെറ്റിലുണ്ടായിരുന്നില്ല.
മമ്മൂട്ടി എത്തിയ ഉടനെ അദ്ദേഹം ജ്യോതികയെ പോയി കണ്ടു. ഈ ചിത്രത്തിന്റെ ഭാഗമാകാന്‍ എത്തിയതിന് അദ്ദേഹം അവരോട് നന്ദി പറഞ്ഞു. ‘ഞാനല്ലേ നന്ദി പറയേണ്ടത്. ഇതുപോലൊരു മനോഹരമായൊരു ചിത്രത്തിന്റെ ഭാഗമാകാന്‍ കഴിഞ്ഞതില്‍.’ സൗമ്യതയോടെ ജ്യോതിക പറഞ്ഞു.
പിന്നീട് മമ്മൂട്ടിയും ജ്യോതികയും തമ്മിലുള്ള കോമ്പിനേഷന്‍ രംഗങ്ങളാണ് ചിത്രീകരിച്ചത്. നവംബര്‍ 25 വരെ ഷൂട്ടിംഗിന്റെ ഭാഗമായി ജ്യോതിക കേരളത്തിലുണ്ടാകും. ഇതിനിടെ മൂന്നു ദിവസം മാത്രമാണ് വീട്ടില്‍ പോയിവരാന്‍ അവര്‍ മുന്‍കൂര്‍ അനുമതി തേടിയിട്ടുള്ളത്.
Recent Comments