സിനിമ കഴിഞ്ഞാല്‍ ഇന്ദ്രജിത്തിന് ഏറെ ഇഷ്ടം യാത്രകളാണ്. ടുവീലര്‍ യാത്രയോടാണ് കൂടുതല്‍ പ്രിയം. കഴിഞ്ഞ വര്‍ഷം ട്രയംഫ് ടൈഗറിന്റെ ഒരു മോട്ടോര്‍ സൈക്കിളും അദ്ദേഹം സ്വന്തമാക്കിയിരുന്നു. വിപണിയില്‍ പതിനേഴ് ലക്ഷത്തിലേറെ വിലയുള്ള അഡൈ്വഞ്ചര്‍ ടൂററാണ് ട്രയംഫ് ടൈഗര്‍. കഴിഞ്ഞ ഏപ്രിലില്‍ സുഹൃത്തുക്കള്‍ക്കൊപ്പം അദ്ദേഹം ബാംഗ്ലൂര്‍ യാത്ര നടത്തിയതും ഇതേ ബൈക്കിലായിരുന്നു. ഇക്കഴിഞ്ഞ ന്യൂ ഇയര്‍ ആഘോഷങ്ങളുടെ ഭാഗമായി പൂര്‍ണ്ണിമയോടൊപ്പം ഫോര്‍ട്ട് കൊച്ചിയിലെത്തിയതും തനിക്ക് ഏറെ പ്രിയപ്പെട്ട ഈ ബൈക്കിലായിരുന്നു.
‘അതിനുശേഷം യാത്രയൊന്നും ഉണ്ടായില്ല. അതുകൊണ്ടാണ് പെട്ടെന്നൊരു യാത്ര പ്ലാന്‍ ചെയ്തത്. പെട്ടെന്ന് റീച്ച് ചെയ്യാവുന്ന ഇടം മൂന്നാറാണ്. അങ്ങനെയാണ് എറണാകുളത്തുനിന്ന് ഇന്നലെ മൂന്നാറിലേയ്ക്ക് യാത്ര പുറപ്പെട്ടത്. എന്റെ സഹായി സുരേഷും ഒപ്പമുണ്ട്. സുരേഷ് ബുള്ളറ്റിലാണ് വന്നത്. മൂന്നാറില്‍നിന്ന് നാളെ മടങ്ങും. വൈകാതെ ഒരു ലോങ് ട്രിപ്പും പ്ലാന്‍ ചെയ്യുന്നുണ്ട്.’ യാത്രയെക്കുറിച്ച് ചോദിച്ചപ്പോള്‍ ഇന്ദ്രജിത്ത് കാന്‍ ചാനലിനോട് പറഞ്ഞു.
Recent Comments