നെയ്യാര്‍ ഫിലിംസിന്റെ ബാനറില്‍ ഗിരീഷ് നെയ്യാര്‍ നിര്‍മ്മാണവും ശിവറാം മണി എഡിറ്റിംഗും സംവിധാനവും നിര്‍വ്വഹിക്കുന്ന കോമഡി ത്രില്ലര്‍ ശുഭദിനം ഒക്ടോബര്‍ 7-ന് തീയേറ്ററുകളിലെത്തും. ശുഭകരമായ ഒരു നല്ല നാളിനായി ആനന്ദവും ആവേശവും നിറച്ചൊരു അതിജീവനത്തിന്റെ കഥ പറയുന്ന ശുഭദിനത്തില്‍ ഗിരീഷ് നെയ്യാറും ഇന്ദ്രന്‍സുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. നഗരത്തിലെ ഒരു ഫ്‌ളാറ്റിലെ ജീവിതകാഴ്ച്ചകളിലൂടെയാണ് ചിത്രത്തിന്റെ കഥാമുഹൂര്‍ത്തങ്ങള്‍ സഞ്ചരിക്കുന്നത്. ഫ്‌ളാറ്റിലെ താമസക്കാരന്‍ സിഥിന്‍ പൂജപ്പുരയെയും സെക്യൂരിറ്റി ജീവനക്കാരന്‍ ജോസേട്ടനെയുമാണ് ഗിരീഷ് നെയ്യാറും ഇന്ദ്രന്‍സും യഥാക്രമം അവതരിപ്പിക്കുന്നത്.
ഹരീഷ് കണാരന്‍, ജയകൃഷ്ണന്‍, രചന നാരായണന്‍കുട്ടി, ബൈജു സന്തോഷ്, മെറീന മൈക്കിള്‍, മാലാ പാര്‍വ്വതി, അരുന്ധതി നായര്‍, ഇടവേള ബാബു, കോട്ടയം പ്രദീപ്, മീരാ നായര്‍, ജയന്തി, അരുണ്‍കുമാര്‍, നെബീഷ് ബെന്‍സണ്‍ എന്നിവരും ചിത്രത്തില്‍ ക കഥാപാത്രങ്ങളാകുന്നു.
ഛായാഗ്രഹണം സുനില്‍പ്രേം എല്‍എസ്, രചന വിഎസ് അരുണ്‍കുമാര്‍, പ്രോജക്ട് ഡിസൈനര്‍, ചീഫ് അസ്സോസിയേറ്റ് ഡയറക്ടര്‍ നാസിം റാണി, ഗിരീഷ് നെയ്യാറിന്റെ വരികള്‍ക്ക് സംഗീതം നല്‍കുന്നത് അര്‍ജുന്‍ രാജ്കുമാറാണ്. ആലാപനം വിജയ് യേശുദാസ്, സൂരജ് സന്തോഷ്, അനാര്‍ക്കലി മരിക്കാര്‍. പ്രൊഡക്ഷന്‍ കണ്‍ട്രോളര്‍ രാജീവ് കുടപ്പനക്കുന്ന്, കല ദീപു മുകുന്ദപുരം, ചമയം മുരുകന്‍ കുണ്ടറ, കോസ്റ്റ്യൂം ഡിസൈനര്‍ അജയ് തേങ്കര. വിതരണം നെയ്യാര്‍ ഫിലിംസ് ത്രൂ ശ്രീപ്രിയ കമ്പയിന്‍സ്, സ്റ്റില്‍സ് മൃതുല്‍ വിശ്വനാഥ്, വിന്‍സി ലോപ്പസ്, ധനില്‍കൃഷ്ണ, പിആര്‍ഒ അജയ് തുണ്ടത്തില്‍.
Recent Comments