ഇന്ദ്രന്‍സും മുരളി ഗോപിയും കേന്ദ്ര കഥാപാത്രങ്ങളാകുന്ന കനകരാജ്യത്തിന്റെ റിലീസ് തീയതി പ്രഖ്യാപിച്ചു. ജൂലൈ 5 നാണ് ചിത്രം പ്രദര്‍ശനത്തിനെത്തുന്നത്. അജിത് വിനായക ഫിലിംസിന്റെ ബാനറില്‍ വിനായക അജിത്താണ് ചിത്രം നിര്‍മ്മിക്കുന്നത്. സത്യം മാത്രമേ ബോധിപ്പിക്കൂ, വീകം എന്നീ ചിത്രങ്ങളിലൂടെ ശ്രദ്ധേയനായ സാഗറാണ് സംവിധായകന്‍.
ഏതാനും വര്‍ഷങ്ങള്‍ക്കുമുമ്പ് ആലപ്പുഴയില്‍ നടന്ന രണ്ട് യഥാര്‍ത്ഥ സംഭവങ്ങളെ ആസ്പദമാക്കിയാണ് ചിത്രത്തിന്റെ കഥ ദൃശ്യവല്‍ക്കരിക്കുന്നത്. ലിയോണ ലിഷോയ്, ഇനാര ബിന്ത് ഷിഫാസ്, ശ്രീജിത്ത് രവി, ദിനേശ് പ്രഴാകര്‍, കോട്ടയം രമേഷ്, രാജേഷ് ശര്‍മ്മ, ഉണ്ണി രാജ്, അച്ചുതാനന്തന്‍, ജയിംസ് ഏല്യാ, ഹരീഷ് പെങ്ങന്‍, രമ്യ സുരേഷ്, സൈനാ കൃഷ്ണ, ശ്രീവിദ്യാ മുല്ലശ്ശേരി തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.
ഹരിനാരായണന്‍, മനു മന്‍ജിത്ത്, ധന്യ സുരേഷ് മേനോന്‍ എന്നിവരുടെ വരികള്‍ക്ക് അരുണ്‍ മുരളീധരന്‍ ഈണം പകര്‍ന്നിരിക്കുന്നു. ഛായാഗ്രഹണം അഭിലാഷ് ശങ്കര്‍, എഡിറ്റിംഗ് അജീഷ് ആനന്ദ്, കലാസംവിധാനം പ്രദീപ് എം.വി., മേക്കപ്പ് പ്രദീപ്, ഗോപാലകൃഷ്ണന്‍, കോസ്റ്റിയൂം പ്രദീപ് മട്ടന്നൂര്‍, പ്രൊഡക്ഷന്‍ കണ്‍ട്രോളര്‍ ജിത്ത് പിരപ്പന്‍കോട്, ചീഫ് അസോസിയേറ്റ് ഡയറക്ടര്‍ സനു സജീവന്‍, പ്രൊഡക്ഷന്‍ എക്‌സിക്യൂട്ടീവ് ശ്രീജേഷ് ചിറ്റാഴ, പ്രൊഡക്ഷന്‍ മാനേജര്‍ അനില്‍ കല്ലാര്‍, അസോസിയേറ്റ് ഡയറക്ടര്‍ ജിതിന്‍ രാമഗോപാല്‍, അഖില്‍ കഴക്കൂട്ടം, ജോ ജോര്‍ഡ്, സൗണ്ട് ഡിസൈന്‍ സച്ചിന്‍ സി, ശബ്ദമിശ്രമം, എം.ആര്‍. രാജാകൃഷ്ണന്‍, പിആര്‍ഒ ശിവപ്രസാദ്.
Recent Comments