നടന്‍ വിജയ്‌യുടെ മകന്‍ ജേസണ്‍ സംവിധായകനായി അരങ്ങേറ്റം കുറിക്കുന്ന ചിത്രത്തില്‍ ദുല്‍ഖര്‍ സല്‍മാന്‍ നായകന്‍. ലൈക്ക പ്രൊഡക്ഷന്‍സ് ആണ് ചിത്രം നിര്‍മിക്കുന്നത്.
ചിത്രം ഒരു റൊമാന്റിക്ക് കോമഡിയായിരിക്കുമെന്നാണ് സൂചനകള്‍. യുവന്‍ ശങ്കര്‍ രാജയാണ് ചിത്രത്തിന്റെ സംഗീതം നിര്‍വഹിക്കുന്നത്. ചിത്രത്തിന്റെ പൂജ ഉടനെ നടക്കും. എന്നാല്‍ ദുല്‍ഖര്‍ നായകനാകുന്നു എന്ന ഔദ്യോഗിക സ്ഥിരീകരണം ഇതുവരെ പുറത്തുവന്നിട്ടില്ല.
2009ല്‍ പുറത്തിറങ്ങിയ വേട്ടക്കാരനില്‍ വിജയ്‌ക്കൊപ്പം ജേസണ്‍ സ്‌ക്രീനില്‍ പ്രത്യക്ഷപ്പെട്ടിരുന്നു. ടൊറന്റോ ഫിലിം സ്‌കൂളില്‍ നിന്ന് ജേസണ്‍ ഫിലിം പ്രൊഡക്ഷനില്‍ ബിരുദം പൂര്‍ത്തിയാക്കിയിട്ടുണ്ട്.
Recent Comments