നവാഗതനായ ഷമല്‍ സുലൈമാന്‍ സംവിധാനം ചെയ്ത ജാക്‌സണ്‍ ബസാര്‍ യൂത്തിന്റെ റിലീസ് തീയതി അണിയറ പ്രവര്‍ത്തകര്‍ പുറത്ത് വിട്ടു. ‘മെയ് 19ന് തിയേറ്ററുകളില്‍ ബാന്‍ഡ് മേളം’ എന്ന ടാഗ് ലൈനൊട് കൂടിയാണു ചിത്രത്തിന്റെ റിലീസ് തീയതി പ്രഖ്യാപിച്ചത്.
ലുക്മാന്‍ അവറാന്‍, ജാഫര്‍ ഇടുക്കി, ഇന്ദ്രന്‍സ്, ചിന്നു ചാന്ദിനി, അഭിരാം രാധാകൃഷ്ണന്‍, ഫാഹിം സഫര്‍ എന്നിവര്‍ പ്രധാന കഥാപാത്രങ്ങളായി എത്തുന്ന ചിത്രമാണ് ജാക്‌സണ്‍ ബസാര്‍.
പ്രശസ്ത സംവിധായകന്‍ സക്കറിയ മുഹമ്മദിന്റെ കീഴില്‍ സംവിധാന സഹായിയായിരുന്നു ഷമല്‍ സുലൈമാന്‍. സക്കറിയ സംവിധാനം ചെയ്ത സുഡാനി ഫ്രം നൈജീരിയ, ഹലാല്‍ ലൗവ് സ്റ്റോറി, അദ്ദേഹം നിര്‍മ്മിച്ച മോമോ ഇന്‍ ദുബായ് എന്നീ ചിത്രങ്ങളില്‍ സംവിധാന സഹായിയായി പ്രവര്‍ത്തിച്ചു. ഷമലിന്റെ ആദ്യ സംവിധാനസംരംഭം കൂടിയാണ് ജാക്‌സണ്‍ ബസാര്‍.
നാടകപ്രവര്‍ത്തകനും പ്രവാസിയുമായ ഉസ്മാന്‍ മാരത്താണുവാണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്.സോഷ്യല്‍ മീഡിയയില്‍ വലിയ ആരാധകരുള്ള ബാന്‍ഡ് സംഘമാണ് ജാക്‌സണ്‍ ബസാര്‍ യൂത്ത്. ജാക്‌സണ്‍ ബസാര്‍ കേന്ദ്രീകരിച്ച് പ്രവര്‍ത്തിക്കുന്ന ബാന്‍ഡ് സംഘത്തിനു ഒരു ഘട്ടത്തില്‍ പോലീസുമായി ചെറിയ പ്രശ്‌നമുണ്ടാകുന്നു. ഇതേ തുടര്‍ന്നുണ്ടാകുന്ന സംഭവവികാസങ്ങളാണു ചിത്രം പറയുന്നത്. ഒരു ഹ്യൂമര്‍ ത്രില്ലറാണ് ചിത്രം.
കണ്ണന്‍ പട്ടേരി ചായാഗ്രഹണം നിര്‍വ്വഹിക്കുന്ന ചിത്രം അപ്പു എന്‍ ഭട്ടത്തിരി, ഷൈജാസ് എന്നിവര്‍ ചേര്‍ന്നാണ് എഡിറ്റിംഗ് നിര്‍വഹിക്കുന്നത്. സഹനിര്‍മാണം ഷാഫി വലിയപറമ്പ, ഡോ. സല്‍മാന്‍, ലൈന്‍ പ്രൊഡ്യൂസര്‍ ഹാരിസ് ദേശം (ഇമോജിന്‍ സിനിമാസ്), എക്‌സിക്ര്യൂട്ടീവ് പ്രൊഡ്യൂസഴ്‌സ് അമീന്‍ അഫ്‌സല്‍, ശംസുദ്ധീന്‍ എം ടി, സംഗീത സംവിധാനം ഗോവിന്ദ് വസന്ത, വരികള്‍ സുഹൈല്‍ കോയ, ഷറഫു, ടിറ്റോ പി തങ്കച്ചന്‍, പ്രൊഡക്ഷന്‍ ഡിസൈനര്‍ അനീസ് നാടോടി, സ്റ്റീല്‍സ് രോഹിത്ത് കെ എസ്, മേക്കപ്പ് ഹക്കീം കബീര്‍, ടൈറ്റില്‍ ഡിസൈന്‍ പോപ്കോണ്‍, പരസ്യകല യെല്ലോ ടൂത്ത്, സ്റ്റണ്ട് ഫീനിക്‌സ് പ്രഭു, മാഫിയ ശശി, പ്രൊഡക്ഷന്‍ കണ്‍ട്രോളര്‍ റിന്നി ദിവാകര്‍, ചീഫ് അസോസിയേറ്റ് ഡയറക്ടര്‍ ഷിന്റോ വടക്കാങ്ങര, സഞ്ജു അമ്പാടി, വിതരണം സെന്‍ട്രല്‍ പിക്‌ചേഴ്‌സ് റിലീസ്, പിആര്‍ഒ ആതിര ദില്‍ജിത്.
Recent Comments