ടെലിവിഷന്‍ പരിപാടികളില്‍ ജനപ്രീതി നേടിയ ഒന്നാണ് ഫ്‌ളവേഴ്‌സ് ഒരുകോടി ഷോ. ഈ പ്രോഗ്രാം അടുത്തിടെയാണ് തുടങ്ങിയത്. ട്വന്റിഫോര്‍ ചീഫ് എഡിറ്റര്‍ ആര് ശ്രീകണ്ഠന്‍ നായര്‍ അവതാരകനായി എത്തുന്ന പരിപാടിയില്‍ ആദ്യ അതിഥിയായി എത്തിയത് ചലച്ചിത്രതാരം ധ്യാന്‍ ശ്രീനിവാസനായിരുന്നു.
എപ്പിസോഡിന്റെ പ്രൊമോയാണ് സമൂഹമാധ്യമങ്ങളില്‍ വൈറലാവുന്നത്. ജഗദീഷാണ് ഷോയില്‍ ഗസ്റ്റായി എത്തിയത്. എന്നാല്‍ പരിപാടിക്കിടയില്‍ ജഗദീഷും ശ്രീകണ്ഠന്‍ നായരും തമ്മില്‍ അഭിപ്രായ വ്യത്യാസമുണ്ടാവുന്നതും ജഗദീഷ് ഇറങ്ങിപ്പോവുന്നതുമാണ് പ്രൊമോയില്‍ കാണാനാവുക. രൂക്ഷമായി പരസ്പരം കൈചൂണ്ടി വാദിക്കുന്ന ജഗദീഷിനെയും ശ്രീകണ്ഠന്‍ നായരെയും വീഡിയോയില്‍ കാണാം. ‘കളിച്ചുകളിച്ച് കളി കാര്യമാവുമോ?’ എന്ന വോയ്‌സ് ഓവറോടെയാണ് ഈ പ്രൊമോ എത്തിയിരിക്കുന്നത്.
View this post on Instagram
യഥാര്‍ത്ഥത്തില്‍ പ്രശ്‌നമുണ്ടായതോ അതോ പ്രൊമോ വീഡിയോ ആകര്‍ഷകമാക്കാന്‍വേണ്ടി ഇരുവരും പ്ലാന്‍ ചെയ്ത പ്രാങ്ക് ആണോ എന്നൊക്കെയാണ് പ്രേക്ഷകരുടെ സംശയം. എന്താണ് വേദിയില്‍ സംഭവിച്ചത് എന്നറിയാനുള്ള ആകാക്ഷയുണ്ടാക്കുന്നതാണ് ഈ പ്രൊമോ വീഡിയോ.
Recent Comments