പാഷന്‍ സ്റ്റുഡിയോസിന്റെ ബാനറില്‍ സുധന്‍ സുന്ദരം, ജി ജയറാം എന്നിവര്‍ നിര്‍മിച്ച് ഐ. അഹമ്മദ് സംവിധാനം ചെയ്യുന്ന ഇരൈവന്‍ ചിത്രത്തിന്റെ ട്രെയിലര്‍ റിലീസായി. സെപ്തംബര്‍ 28ന് ചിത്രം റിലീസിനെത്തും. പൊന്നിയിന്‍ സെല്‍വന്‍ 2 ന്റെ വിജയത്തിന് ശേഷം തീയേറ്ററില്‍ റിലീസ് ചെയ്യുന്ന ജയം രവിയുടെ ചിത്രം കൂടിയാവും ഇരൈവന്‍. നയന്‍താരയാണ് നായിക. തമിഴ്, തെലുഗു, കന്നഡ, മലയാളം എന്നീ നാല് ഭാഷകളിലാണ് ചിത്രം റിലീസിനൊരുങ്ങുന്നത്. രാഹുല്‍ ബോസ്, ആശിഷ് വിദ്യാര്‍ത്ഥി, നരേന്‍ തുടങ്ങിയവരും പ്രധാന വേഷങ്ങളിലെത്തുന്നു.
ഒരു സൈക്കോ ക്രൈം ത്രില്ലര്‍ ചിത്രമാണിത്. യുവന്‍ ശങ്കര്‍ രാജയാണ് സംഗീത സംവിധായകന്‍. ക്യാമറ ഹരി പി. വേദനത്, എഡിറ്റര്‍ മണികണ്ഠന്‍ ബാലാജി, പ്രൊഡക്ഷന്‍ ഡിസൈനര്‍ ജാക്കി, ആക്ഷന്‍ ഡോണ്‍ അശോക്, പബ്ലിസിറ്റി ഡിസൈനര്‍ ഗോപി പ്രസന്ന, പിആര്‍ഒ ശബരി.
Recent Comments