രാംചരണിനെ നായകനാക്കി ശങ്കര്‍ തെലുങ്കിലും തമിഴിലും ഹിന്ദിയിലുമായി ഒരുക്കുന്ന ചിത്രത്തില്‍ ജയറാമും ഒരു പ്രധാനവേഷത്തില്‍ അഭിനയിക്കുന്നു.
ഫഹദ് ഫാസിലിനെയും ഈ ചിത്രത്തിലേയ്ക്ക് പരിഗണിക്കുന്നതായി അറിയുന്നു. നിലവില്‍ മലയാളത്തിലും തമിഴിലുമായി തിരക്കേറിയ ഷൂട്ടിംഗ് ഷെഡ്യൂളുകളിലാണ് ഫഹദ് ഇപ്പോള്‍. എന്നാലും താരവുമായി ചര്‍ച്ച നടത്തി വരികയാണ് അണിയറ പ്രവര്‍ത്തകര്‍. കൈറ അദ്വാനിയും മാളവിക മോഹനുമാണ് ചിത്രത്തിലെ നായികമാര്‍.
ചിത്രത്തിന്റെ പൂജ സെറ്റംബര്‍ 8ന് ഹൈദ്രബാദില്‍ നടക്കും.
ശ്രീ വെങ്കിടേശ്വര ക്രിയേഷന്‍സിന് വേണ്ടി ദില്‍ രാജ് നിര്‍മ്മിക്കുന്ന 50-ാമത് ചിത്രം കൂടിയാണിത്. 2ഡിലും 3ഡിലുമായാണ് ചിത്രം ഒരുങ്ങുന്നത്. എസ്. തമനാണ് സംഗീതം ഒരുക്കുന്നത്.
Recent Comments