നേരിന്റെ വന്‍ വിജയത്തിനുശേഷം ജീത്തു ജോസഫും ശാന്തി മായാദേവിയും ഒരുമിക്കുന്നു. ചിത്രത്തിലെ നായകന്‍ ഫഹദ് ഫാസിലാണ്. E4 എന്റര്‍ടെയിന്‍മെന്റ്‌സാണ് ചിത്രം നിര്‍മ്മിക്കുന്നത്. ഇതിന്റെ വിശദാംശങ്ങള്‍ തേടിക്കൊണ്ട് ജീത്തുവിനെ വിളിച്ചിരുന്നു.
‘നിലവില്‍ പ്രൊജക്ടിനെക്കുറിച്ച് ഇത്രയൊക്കെയേ പറയാനുള്ളൂ. ശാന്തി മായാദേവി ഒരു കഥ എന്നോട് പറഞ്ഞു. അത് എനിക്ക് ഇഷ്ടമായി, ഫഹദിനും. പ്രൊജക്ട് കമ്മിറ്റ് ചെയ്തിട്ടുണ്ട്. ഇനി തിരക്കഥ എഴുതണം. ശാന്തി തിരക്കുള്ള ഒരു അഭിഭാഷകയാണ്. അതുകൊണ്ടുതന്നെ എഴുത്തിനും സാവകാശം വേണ്ടി വരും. ഫഹദിനും നിറയെ പ്രൊജക്ടുകളുണ്ട്. എന്റെ സിനിമകളുമായി ഞാനും തിരക്കിലാണ്. അതുകൊണ്ടുതന്നെ ഈ വര്‍ഷം ഉണ്ടാകില്ല. അടുത്ത വര്‍ഷത്തെ പ്രൊജക്ടായിരിക്കും ഇത്.’ ജീത്തു പറഞ്ഞു.
ജീത്തുവിനൊപ്പം ഫഹദ് ഒന്നിക്കുന്നത് ഇതാദ്യമാണ്. ത്രില്ലര്‍ ചിത്രങ്ങളിലൂടെ ശ്രദ്ധേയനായ ജീത്തു തന്റെ പുതിയ സിനിമ ഏത് വിഭാഗത്തില്‍ പെട്ടതാണെന്ന സൂചനകളൊന്നും നല്‍കുന്നില്ല. പക്ഷേ, ഫഹദിനൊപ്പമുള്ള കൂടിച്ചേരല്‍ മലയാള സിനിമയ്ക്ക് ഒരു നവ്യാനുഭവം തന്നെയാകും.
Recent Comments