മമ്മൂട്ടിയെ കേന്ദ്രകഥാപാത്രമാക്കി മഹി രാഘവ് സംവിധാനം ചെയ്ത തെലുങ്ക്‌ ചിത്രമായിരുന്നു യാത്ര. ചിത്രം വന്‍ വിജയമായിരുന്നു. ചിത്രത്തില്‍ മമ്മൂട്ടി ആന്ധ്ര മുഖ്യമന്ത്രി വൈ.എസ്. രാജശേഖര റെഡ്ഡിയായിട്ടാണ് അഭിനയിച്ചത്. വൈ.എസ്.ആര്‍. റെഡ്ഡിയുടെ ജീവചരിത്രമായിരുന്നു ചിത്രത്തിന്റെ പ്രമേയം. ഇപ്പോഴിതാ ചിത്രത്തിന്റെ നിര്‍മ്മാതാക്കള്‍ യാത്രയുടെ രണ്ടാം ഭാഗം ഇറക്കാന്‍ തീരുമാനിച്ചിരിക്കുകയാണ്.
അതിന്റെ പ്രീപ്രൊഡക്ഷന്‍ വര്‍ക്കുകള്‍ പുരോഗമിച്ചുവരികയാണ്. റിപ്പോര്‍ട്ടനുസരിച്ച് യാത്ര-2 ല്‍ നടന്‍ ജീവ കേന്ദ്ര കഥാപാത്രത്തെ അവതരിപ്പിക്കുന്നുവെന്നാണ്. ജഗന്‍ മോഹന്‍ റെഡ്ഡിയുടെ വേഷമാണ് താരം അവതരിപ്പിക്കുന്നത്. വൈ.എസ്.ആര്‍. റെഡ്ഡിയുടെ മകനാണ് ജഗന്‍ മോഹന്‍ റെഡ്ഡി. ഇത് സംബന്ധിച്ചുള്ള ഔദ്യോഗിക പ്രഖ്യാപനമൊന്നും വന്നിട്ടില്ല.
നിലവില്‍ താരം പാ വിജയ് സംവിധാനം ചെയ്യുന്ന ചിത്രത്തിലാണ് അഭിനയിച്ചുകൊണ്ടിരിക്കുന്നത്. രാഷി ഖന്നയാണ് നായിക.
Recent Comments