ജോജു ജോര്‍ജ്ജിനെ നായകനാക്കി മലയാളം, തമിഴ് എന്നീ ഭാഷകളിലായി സന്‍ഫീര്‍ കെ. സംവിധാനം ചെയ്യുന്ന ‘കള്‍ട്ടി’ന്റെ ഒഫീഷ്യല്‍ ടൈറ്റില്‍ ലുക്ക് പുറത്തിറക്കി.
ആക്ഷന് പ്രാധാന്യം നല്‍കിക്കൊണ്ടുള്ള ചിത്രം നിര്‍മ്മിക്കുന്നത് ഷാജി മേച്ചേരി. ജോജു ജോര്‍ജ്ജിനെ കൂടാതെ നടനും സംവിധായകനുമായ മിഷ്‌കിന്‍, ‘സര്‍പട്ട പരമ്പരൈ’യിലെ ഡാന്‍സിംഗ് റോസ് എന്ന കഥാപാത്രത്തിലൂടെ ശ്രദ്ധേയനായ ഷബീര്‍, സഞ്ജന നടരാജന്‍, അനന്യ രാമപ്രസാദ്, മൂന്നാര്‍ രമേശ്, രാക്ഷസന്‍, വട ചെന്നൈ തുടങ്ങിയ ചിത്രങ്ങളിലൂടെ പ്രശസ്തനായ തമിഴ് തുടങ്ങിയവരും അഭിനയിക്കുന്നു.
ആക്ഷന് കൈകാര്യം ചെയ്യുന്നത് പ്രശസ്ത സ്റ്റണ്ട് ഡയറക്ടറായ ‘സൂപ്പര്‍ സുബ്ബരായ’ന്റെ മകന്‍ കൂടിയായ ദിനേശ് ആണ്. ധനുഷ്ചിത്രം ജഗമേ തന്തിരം, പറവ, ഈട, സര്‍വം താളമയം എന്നീ ചിത്രങ്ങളുടെയും സ്റ്റണ്ട് ഡയറക്ടറായിരുന്നു ദിനേശ്.
അടുത്തമാസം പോണ്ടിച്ചേരിയിലും പരിസര പ്രദേശങ്ങളിലുമായി ചിത്രീകരണം ആരംഭിക്കും. രചന: സഫര്‍ സനല്‍, രമേഷ് ഗിരിജ. ചിത്രത്തിന്റെ പ്രീ പ്രൊഡക്ഷന്‍ വര്‍ക്കുകള്‍ പുരോഗമിക്കുന്നു. പോസ്റ്റര്‍ ഡിസൈന്‍സ്: അമല്‍ ജോസ്, വാര്‍ത്താ പ്രചരണം മഞ്ജു ഗോപിനാഥ്.
Recent Comments