ആരാധകര്‍ ഏറെ കാത്തിരുന്ന ജോക്കര്‍ എന്ന ചിത്രത്തിന്റെ രണ്ടാം ഭാഗമായ ജോക്കര്‍; ഫോളി അഡ്യൂ റിലീസിനെത്തുകയാണ്. ടോഡ് ഫിലിപ്പിസ് സംവിധാനം നിര്‍വ്വഹിക്കുന്ന ചിത്രത്തില്‍ വാക്വിന്‍ ഫീനിക്, ലേഡി ഗാഗ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ആര്‍തറായി ഫീനിക്‌സ് വരുമ്പോള്‍ ഹാര്‍ലി ക്വീന്‍ ആയി ലേഡി ഗാഗ വേഷമിടുന്നു. രണ്ട് മണിക്കുര്‍ ഇരുപത് മിനിറ്റാണ് ചിത്രത്തിന്റെ ദൈര്‍ഘ്യമുണ്ടെന്നാണ് റിപ്പോര്‍ട്ടുകള്‍. ആഗോള തലത്തില്‍ ചിത്രം ഒക്ടോബര്‍ 2 നാണ് റിലീസ് ചെയ്യുന്നത്. അമേരിക്കയില്‍ ഒക്ടോബര്‍ 4 ന് റിലീസ് ചെയ്യും.
2019 ല്‍ റിലീസ് ചെയ്ത ജോക്കറിന്റെ ആദ്യഭാഗം ആര്‍ റേറ്റഡ് സിനിമാ ചരിത്രത്തില്‍ ലോകത്താകെ സാമ്പത്തികമായി വലിയ വിജയമാണ് നേടിയത്. ബുള്‍ബാര്‍ എന്ന അവസ്ഥയ്ക്ക് സമാനമായ മാനസിക വെല്ലുവിളി നേരിടുന്ന ആര്‍തറിനെ അതിമനോഹരമായാണ് വാക്വിന്‍ ഫീനിസ് അവതരിപ്പിച്ചത്. ആ വര്‍ഷത്തെ ഓസ്‌കാര്‍ അടക്കം മികച്ച നടനുള്ള ഒട്ടേറെ പുരസ്‌കാരങ്ങള്‍ വാക്വിന്‍ ഫീനിക്‌സ് സ്വന്തമാക്കുകയും ചെയ്തു. രണ്ടാം ഭാഗത്തിനായുള്ള തുറന്ന സാധ്യതകള്‍ മുന്നോട്ട് വെച്ചുകൊണ്ടാണ് ഒന്നാംഭാഗം അവസാനിപ്പിച്ചത്.
ചിത്രത്തിന്റെ ട്രെയിലറിന് മിക്ക പ്രതികരണമാണ് ലഭിച്ചത്. മാനസികമായ പ്രശ്‌നങ്ങള്‍ നേരിടുന്നവരെ ചികിത്സിക്കുന്ന കേന്ദ്രത്തില്‍വച്ച് ഹാര്‍ലിന്‍ ക്വീന്‍ ആര്‍തറിനെ കണ്ടുമുട്ടുന്നു. ആദ്യ കാഴ്ചയില്‍തന്നെ ഹാര്‍ലിക്ക് ആര്‍തറിനോട് ഇഷ്ടം തോന്നുന്നു. അത് കടുത്ത അഭിനിവേശമായും പ്രണയമായും പരിണമിക്കുന്നു. അപകടകാരികളായ രണ്ടുപേര്‍ ഒന്നിക്കുമ്പോഴുണ്ടാകുന്ന ഭീകരസംഭവങ്ങളിലേയ്ക്കാണ് ചിത്രം പിന്നീട് സഞ്ചരിക്കുന്നത്.
സാസീ ബീറ്റസ്, ബ്രെന്‍ഡന്‍ ഗ്ലീസണ്‍, കാതറീന്‍ കീനര്‍, ജോക്കബ് ലോഫ് ലാന്‍ഡ്, ഹാരി ലോവ്‌റ്റെ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
Recent Comments