എട്ടു വര്‍ഷത്തെ ഇടവേളക്കു ശേഷം ജോഷി-മോഹന്‍ലാല്‍ കൂട്ടുകെട്ടില്‍ ഒരു ചലച്ചിത്രം ഒരുങ്ങുന്നു- റംബാന്‍. ചിത്രത്തിന്റെ ടൈറ്റില്‍ ലോഞ്ച് കൊച്ചിയിലെ ക്രൗണ്‍ പ്ലാസ ഹോട്ടലില്‍ വച്ചു നടന്നു. നിരവധി പ്രത്യേകതകളും കൗതുകങ്ങളുമുള്ള ചിത്രത്തിന് തിരക്കഥ ഒരുക്കുന്നത് ചെമ്പന്‍ വിനോദ് ജോസാണ്. കല്യാണി പണിക്കരാണ് ചിത്രത്തിലെ ഒരു നായിക. ബിന്ദു പണിക്കരുടെ മകളാണ് കല്യാണി പണിക്കര്‍. ബ്രിട്ടനില്‍ കലിനറി ആക്ടില്‍ പഠനം പൂര്‍ത്തിയാക്കിയശേഷമാണ് കല്യാണി പണിക്കര്‍ അഭിനയരംഗത്തെത്തുന്നത്.
വന്‍ ബജറ്റില്‍ നിര്‍മ്മിക്കുന്ന ഒരു പാന്‍ ഇന്ത്യന്‍ ചിത്രമാണിത്. ബോളിവുഡ്ഡിലേയും ഹോളിവുഡ്ഡിലേയും അഭിനേതാക്കള്‍ താരനിരയിലുണ്ട്. അമേരിക്കയാണ് പ്രധാന ലൊക്കേഷന്‍. കേരളത്തിലും ചിത്രീകരണമുണ്ടാകും. ചെമ്പോസ്‌ക്കി മോഷന്‍ പിക്‌ച്ചേഴ്‌സ്, ഐന്‍സ്റ്റിന്‍ മീഡിയ, നെക്ക്സ്റ്റല്‍ സ്റ്റുഡിയോസ് എന്നീ ബാനറുകളില്‍ ചെമ്പന്‍ വിനോദ് ജോസ്, ഐന്‍സ്റ്റിന്‍ സാക് പോള്‍, ശൈലേഷ് ആര്. സിങ് എന്നിര്‍ ചേര്‍ന്നാണ് ചിത്രം നിര്‍മ്മിക്കുന്നത്.
സംഗീതം വിഷ്ണുവിജയ്, ഛായാഗ്രഹണം സമീര്‍ താഹിര്‍, എഡിറ്റിംഗ് വിവേക് ഹര്‍ഷന്‍, നിര്‍മ്മാണ നിര്‍വ്വഹണം ദീപക് പരമേശ്വരന്‍, വസ്ത്രാലങ്കാരം മഷര്‍ ഹംസ, മേക്കപ്പ് റോണക്‌സ് സേവ്യര്‍, പി.ആര്.ഒ. വാഴൂര്‍ ജോസ്, ശബരി. ഫോട്ടോ അനൂപ് ചാക്കോ.
2024 മധ്യത്തോടെ ചിത്രീകരണം ആരംഭിക്കും. 2025 ല്‍ പ്രദര്‍ശനത്തിനെത്തും.
Recent Comments