സുരേഷ് ഗോപി നായകനായി, ജോഷിയുടെ സംവിധാനത്തില്‍ എത്തുന്ന പാപ്പന്‍ പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ്. ഒരു ഇടവേളക്ക് ശേഷം സുരേഷ്‌ഗോപിയും ജോഷിയും ഒരുമിക്കുമ്പോള്‍ മറ്റൊരു മെഗാ ഹിറ്റ് സംഭവിക്കുമെന്നാണ് പ്രേക്ഷകര്‍ കരുതുന്നത്. ക്രൈം ഇന്‍വെസ്റ്റിഗേഷന്‍ ത്രില്ലര്‍ ശ്രേണിയില്‍ ഒരുങ്ങുന്ന ചിത്രത്തില്‍ വമ്പന്‍ താര നിരയുടെ സാന്നിധ്യം കൂടിയുണ്ട്. ഡബ്ബിംങ് ജോലികള്‍ പൂര്‍ത്തിയായി.
തുടക്കത്തില്‍ ഡേവിഡ് കാച്ചപ്പിള്ളി പ്രൊഡക്ഷന്‍സിന്റെയും ഇഫാര്‍ മീഡിയയുടെയും ബാനറിലായിരുന്നു നിര്‍മ്മാണം. എന്നാലിപ്പോള്‍ ശ്രീ ഗോകുലം മൂവിസ് കൂടി ചിത്രത്തിന്റെ നിര്‍മ്മാണ പങ്കാളികളാവുന്നു. ഗോകുലം ഗോപാലന്‍, ഡേവിഡ് കാച്ചപ്പിള്ളി, റാഫി മതിര എന്നിവര്‍ ചേര്‍ന്ന് നിര്‍മ്മിക്കുന്നു. ആര്‍ജെ ഷാനാണ് പാപ്പന്റെ തിരക്കഥയൊരുക്കുന്നത്. ഛായാഗ്രഹണം അജയ് ഡേവിഡ് കാച്ചപ്പിള്ളി, വി.സി. പ്രവീണ്‍, ബൈജു ഗോപാലന്‍, സുജിത് ജെ നായര്‍, ഷാജി എന്നിവരാണ് സഹനിര്‍മ്മാതാക്കള്‍.
ക്രിയേറ്റീവ് ഡയറക്ടര്‍ അഭിലാഷ് ജോഷി, എഡിറ്റര്‍ ശ്യാം ശശിധരന്‍, സംഗീതം ജേക്‌സ് ബിജോയ്, ഗാനരചന മനു മഞ്ചിത്, ജ്യോതിഷ് കാശി, എക്‌സിക്യൂട്ടീവ് പ്രൊഡ്യൂസേഴ്‌സ് സെബാസ്റ്റ്യന്‍ കൊണ്ടൂപറമ്പില്‍ (യുഎസ്എ), തോമസ് ജോണ്‍ (യുഎസ്എ), കൃഷ്ണമൂര്‍ത്തി. സൗണ്ട് ഡിസൈന്‍ വിഷ്ണു ഗോവിന്ദ്, ശ്രീശങ്കര്‍, ആര്‍ട്ട് നിമേഷ് എം താനൂര്‍. മേക്കപ്പ് റോണെക്‌സ് സേവ്യര്‍. കോസ്റ്റ്യൂം പ്രവീണ്‍ വര്‍മ്മ, പ്രൊഡക്ഷന്‍ കണ്‍ട്രോളര്‍ എസ്. മുരുകന്‍, ചീഫ് അസോസിയേറ്റ് ഡയറക്ടര്‍ സിബി ജോസ് ചാലിശ്ശേരി, സ്റ്റില്‍സ് നന്ദു ഗോപാലകൃഷ്ണന്‍, പിആര്‍ഒ മഞ്ജു ഗോപിനാഥ്, ഡിസൈന്‍സ് ഓള്‍ഡ് മങ്ക്‌സ്.
പോസ്റ്റ് പ്രൊഡക്ഷന്‍ ജോലികള്‍ പൂര്‍ത്തിയായ പാപ്പന്‍ സെന്‍സറിങ്ങിനുളള ഒരുക്കത്തിലാണ്. സെന്‍സര്‍ പൂര്‍ത്തിയായ ഉടനെ ചിത്രത്തിന്റെ റിലീസ് തീയ്യതി പ്രഖ്യാപിക്കുമെന്ന് അണിയറക്കാര്‍ അറിയിച്ചു. ശ്രീ ഗോകുലം മൂവീസും ഡ്രീം ബിഗ് ഫിലിംസും ചേര്‍ന്ന് പാപ്പന്‍ ഉടന്‍ തീയ്യറ്ററുകളില്‍ എത്തിക്കും.
Recent Comments