തെലുങ്കു സൂപ്പര്‍ താരം ജൂനിയര്‍ എന്‍ ടി ആറിനെ നായകനാക്കി പ്രശസ്ത സംവിധായകന്‍ പ്രശാന്ത് നീല്‍ ഒരുക്കുന്ന പുതിയ ചിത്രത്തിന്റെ പൂജാ ചടങ്ങുകള്‍ ഹൈദരാബാദില്‍ വെച്ച് നടന്നു. കെജിഎഫ് സീരീസ്, സലാര്‍ തുടങ്ങിയ ബ്ലോക്ക്ബസ്റ്ററുകള്‍ക്ക് ശേഷം പ്രശാന്ത് നീല്‍ ഒരുക്കുന്ന ഈ ചിത്രത്തിന് താല്‍ക്കാലികമായി നല്‍കിയിരിക്കുന്ന പേര് ‘എന്‍. ടി. ആര്‍. നീല്‍’ എന്നാണ്. തെലുങ്കിലെ വമ്പന്‍ നിര്‍മ്മാണ ബാനറുകളായ മൈത്രി മൂവി മേക്കേഴ്‌സും എന്‍ടിആര്‍ ആര്‍ട്‌സും ചേര്‍ന്നാണ് ഈ ചിത്രം നിര്‍മ്മിക്കുന്നത്.
മൈത്രി മൂവി മേക്കേഴ്സ്, എന്‍. ടി. ആര്‍ ആര്‍ ആര്‍ട്‌സ് എന്നിവയുടെ ബാനറില്‍ കല്യാണ്‍ റാം നന്ദമൂരി, നവീന്‍ യെര്‍നേനി, രവിശങ്കര്‍ യലമഞ്ചിലി, ഹരി കൃഷ്ണ കൊസരാജു എന്നിവര്‍ ചേര്‍ന്ന് നിര്‍മ്മിക്കുന്ന ഈ ചിത്രം, സംക്രാന്തി സമയത്ത് തെലുങ്ക്, തമിഴ്, ഹിന്ദി, കന്നഡ, മലയാളം ഭാഷകളില്‍ 2026 ജനുവരി 9 -നാണ് ആഗോള റിലീസായി പ്രേക്ഷകരുടെ മുന്നിലെത്തുക.
View this post on Instagram
സംവിധായകന്‍ പ്രശാന്ത് നീലും നായകന്‍ ജൂനിയര്‍ എന്‍ ടി ആറും തങ്ങളുടെ കുടുംബങ്ങള്‍ക്കൊപ്പമാണ് പൂജ ചടങ്ങില്‍ പങ്കെടുത്തത്. പ്രശാന്ത് നീല്‍- ജൂനിയര്‍ എന്‍ ടി ആര്‍ ടീം ആദ്യമായി ഒന്നിക്കുന്ന ഈ ചിത്രം, കെ ജി എഫ് സീരിസിനോട് കിടപിടിക്കുന്ന വലിപ്പത്തിലും നിലവാരത്തിലും ഒരുക്കാനുള്ള തയ്യാറെടുപ്പിലാണ് അണിയറ പ്രവര്‍ത്തകര്‍. രചന- പ്രശാന്ത് നീല്‍, ഛായാഗ്രഹണം- ഭുവന്‍ ഗൗഡ, സംഗീതം- രവി ബസ്റൂര്‍, പ്രൊഡക്ഷന്‍ ഡിസൈന്‍- ചലപതി. പിആര്‍ഒ- ശബരി.
Recent Comments