തെന്നിന്ത്യന്‍ താരം പ്രഭാസ് – പൂജ ഹെഗ്ഡെ താരജോഡികളായി എത്തുന്ന രാധേശ്യാം ചിത്രത്തിന് സംഗീതം ഒരുക്കുന്നത് തമിഴ് സംഗീത സംവിധായകന്‍ ജസ്റ്റിന്‍ പ്രഭാകരന്‍. നിര്‍മ്മാതാക്കളായ യുവി ക്രിയേഷന്‍ സോഷ്യല്‍ മീഡിയിലൂടെയാണ് ഇക്കാര്യം അറിയിച്ചത്. ഓറഞ്ച് മിഠായി, ഒരുനാള്‍ കൂത്ത്, രാജ മന്തിരി, തൊണ്ടന്‍ തുടങ്ങി നിരവധി തമിഴ് ചിത്രങ്ങള്‍ക്ക് സംഗീതം ചിട്ടപ്പെടുത്തിയ ജസ്റ്റിന്‍, ബേസില്‍ ജോസഫ് സംവിധാനം ചെയ്ത കുഞ്ഞിരാമായണത്തിന്റെയും സംഗീതസംവിധായകനാണ്. രാധേശ്യാമിന്റെ കൂടുതല്‍ വിവരങ്ങള്‍ പ്രഭാസിന്റെ ജന്മദിനമായ ഒക്ടോബര്‍ 23 ന് പുറത്തുവിടും.
പ്രണയകഥയാണ് രാധേശ്യാം. രാധാകൃഷ്ണകുമാറാണ് സംവിധായകന്‍. സച്ചിന്‍ ഖേദേക്കര്‍, ഭാഗ്യശ്രീ, പ്രിയദര്‍ശി, മുരളി ശര്‍മ, സാശാ ചേത്രി, കുനാല്‍ റോയ് കപൂര്‍ എന്നിവരും പ്രധാന വേഷം കൈകാര്യം ചെയ്യുന്നു. പ്രേരണയെന്ന നായികാ കഥാപാത്രത്തെ അവതരിപ്പിക്കുന്നത് പൂജാ ഹെഗ്ഡെയാണ്.
തെലുങ്ക്, ഹിന്ദി, തമിഴ്, മലയാളം എന്നീ നാല് ഭാഷകളിലാണ് ചിത്രം നിര്‍മ്മിക്കുന്നത്. കൂടാതെ, മറ്റുഭാഷകളിലേക്ക് മൊഴിമാറ്റവും ഉണ്ടാകും.
കോവിഡ് മൂലം താത്കാലികമായി നിര്‍ത്തിവെച്ച ചിത്രീകരണം ഈ മാസം ആദ്യം പുനരാരംഭിച്ചിട്ടുണ്ട്. ജോര്‍ജ്ജിയയിലാണ് ഇപ്പോള്‍ ഷൂട്ടിംഗ് നടക്കുന്നത്.
തെലുങ്ക് സിനിമാരംഗത്തെ പ്രമുഖ നിര്‍മ്മാണ കമ്പനിയായ ഗോപി കൃഷ്ണ മൂവീസ്, യുവി ക്രിയേഷന്റെ ബാനറില്‍ വാംസി, പ്രമോദ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ശ്രീകാന്ത് പ്രസാദാണ് എഡിറ്റര്‍. പ്രൊഡക്ഷന്‍ ഡിസൈനര്‍- രവീന്ദ്ര, ഡി.ഓ.പി- മനോജ് പരമഹംസ. 2021 ല്‍ ചിത്രം പ്രദര്‍ശനത്തിനെത്തും.
കാന്‍ചാനലിനെ ഫെയ്‌സ്ബുക്ക്, ഇന്‍സ്റ്റഗ്രാം, ട്വിറ്റര്‍ പേജുകളിലൂടെ ഫോളോ ചെയ്യാം.
വീഡിയോകള്‍ക്കായി യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.
Recent Comments