മമ്മൂട്ടി കമ്പനിയുടെ ബാനറില്‍ ജിയോ ബേബി സംവിധാനം ചെയ്യുന്ന കാതലിന്റെ ഷൂട്ടിംഗ് ഇന്ന് അവസാനിച്ചു. 34 ദിവസംകൊണ്ടാണ് ചിത്രീകരണം പൂര്‍ത്തിയായത്. രഞ്ജിത്ത് സംവിധാനം ചെയ്ത പ്രാഞ്ചിയേട്ടന് ആന്റ് ദി സെയിന്റ് 30 ദിവസംകൊണ്ട് പൂര്‍ത്തിയായ മമ്മൂട്ടി ചിത്രമായിരുന്നു. അതിനുശേഷം ഏറ്റവും ചുരുങ്ങിയ ദിവസംകൊണ്ട് ചിത്രീകരണം പൂര്‍ത്തീകരിച്ചിരിക്കുകയാണ് കാതല്‍.
വര്‍ഷങ്ങള്‍ക്കു ശേഷം ജ്യോതിക മലയാളത്തിലേക്ക് തിരിച്ചെത്തുന്ന ചിത്രമെന്ന നിലയില്‍തന്നെ കാതല്‍ വാര്‍ത്തകളില്‍ ഇടംപിടിച്ചിരുന്നു. മാത്യു ദേവസ്സി എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്.
സാലു കെ തോമസാണ് ഛായാഗ്രാഹകന്‍. ആദര്‍ശ് സുകുമാരന്‍, പോള്‍സണ്‍ സക്കറിയ എന്നിവരുടെ തിരക്കഥയില്‍ ഒരുങ്ങുന്ന ചിത്രത്തിന്റെ എക്‌സിക്യൂട്ടീവ് പ്രൊഡ്യൂസര്‍ എസ്സ് ജോര്‍ജാണ്. ദുല്‍ഖര്‍ സല്‍മാന്റെ വേഫാറര്‍ ഫിലിംസാണ് ചിത്രം പ്രദര്‍ശനത്തിനെത്തിക്കുന്നത്.
Recent Comments