വിഷ്ണു മഞ്ചു നായകനാകുന്ന ‘കണ്ണപ്പ’യില്‍ കാജല്‍ അഗര്‍വാളും ഭാഗമാകുന്നു. വിഷ്ണു മഞ്ചുവുമായി കാജല്‍ അഗര്‍വാള്‍ ഒന്നിക്കുന്ന രണ്ടാമത്തെ ചിത്രമാണ് കണ്ണപ്പ. ‘മൊസഗല്ലു’ എന്ന ചിത്രത്തില്‍ സഹോദരങ്ങളായിട്ടാണ് ഇരുവരും അഭിനയിച്ചത്. കണ്ണപ്പയില്‍ വളരെ ശക്തമായ കഥാപാത്രത്തെയാണ് കാജല്‍ അവതരിപ്പിക്കുന്നത്.
മോഹന്‍ ലാല്‍, പ്രഭാസ്, അക്ഷയ് കുമാര്‍, ശരത് കുമാര്‍, മോഹന്‍ ബാബു തുടങ്ങിയ വമ്പന്‍ താര നിരകൊണ്ട് തുടക്കം മുതല്‍ ശ്രദ്ധിക്കപ്പെട്ട ചിത്രമാണ് കണ്ണപ്പ. അക്ഷയ് കുമാറിര്‍ പങ്കെടുക്കുന്ന രംഗങ്ങള്‍ പൂര്‍ത്തിയാക്കിയത് അടുത്തിടെയാണ്. കുറച്ച് ദിവസങ്ങള്‍ക്ക് മുന്‍പ് പ്രഭാസും കണ്ണപ്പയുടെ സെറ്റില്‍ ജോയിന്‍ ചെയ്തിരുന്നു.
മോഹന്‍ ബാബു നിര്‍മിച്ച് മുകേഷ് കുമാര്‍ സിങ്ങ് സംവിധാനം ചെയ്യുന്ന ചിത്രത്തിന്റെ ഷൂട്ടിങ്ങ് അവസാന ഘട്ടത്തിലാണ്.
Recent Comments