മിമിക്രി വേദിയില്‍നിന്ന് സിനിമാരംഗത്തെത്തിയ കലാകാരനാണ് കലാഭവന്‍ പ്രജോദ്. നിരവധി ചാനലുകളിലെ ജനപ്രിയ ഹാസ്യപരിപാടികളുടെ അവതാരകനായും വിധികര്‍ത്താവായും പ്രജോദ് സജീവമാണ്. ഒപ്പംതന്നെ ചെറുതും വലുതുമായ വേഷങ്ങളിലൂടെ തന്റേതായ സാന്നിദ്ധ്യം മലയാള സിനിമയില്‍ ഉറപ്പിക്കാനും പ്രജോദിന് കഴിഞ്ഞിട്ടുണ്ട്. ഇപ്പോള്‍ സ്വന്തമായി ഒരു സിനിമ സംവിധാനം ചെയ്യുകയാണെന്ന് അറിയിച്ചിരിക്കുകയാണ് പ്രജോദ്. സിനിമയില്‍ പ്രജോദിന് മികച്ച വേഷങ്ങള്‍ സമ്മാനിച്ചിട്ടുള്ള സുഹൃത്ത് കൂടിയായ എബ്രിഡ് ഷൈനാണ് പ്രജോദിന്റെ ആദ്യ സംവിധാന സംരംഭത്തിന് വേണ്ടി എഴുതുന്നത്. തിരക്കഥ പൂര്‍ത്തിയായി.
മാര്‍ഷല്‍ ആര്‍ട്ട്‌സില്‍ പ്രാഗത്ഭ്യമുള്ള പുതുമുഖ താരങ്ങള്‍ക്ക് അവസരം പ്രഖ്യാപിച്ചിരിക്കുകയാണ് പ്രജോദ്. മാര്‍ഷല്‍ ആര്‍ട്ട്‌സില്‍ പ്രാഗത്ഭ്യമുള്ള 18 നും 24 നും ഇടയിലുള്ള പുരുഷന്മാരും 30 നും 45 നും ഇടയിലുള്ള മാര്‍ഷല്‍ ആര്‍ട്ട്‌സ് പ്രഗത്ഭരെയുമാണ് പുതിയ ചിത്രത്തിലെ കഥാപാത്രങ്ങളാകാനുള്ള ഓഡിഷന്‍ കോളിലേയ്ക്ക് ക്ഷണിച്ചിരിക്കുന്നത്. താല്‍പ്പര്യമുള്ളവര്‍ ഈ മെയില്‍ ഐഡിയിലേയ്ക്ക് [email protected] വിശദവിവരങ്ങള്‍ മെയില്‍ ചെയ്യാവുന്നതാണ്.
ചിത്രത്തെക്കുറിച്ചുള്ള കൂടുതല്‍ വിവരങ്ങള്‍ വരും ദിവസങ്ങളില്‍ പ്രഖ്യാപിക്കുമെന്ന് കലാഭവന്‍ പ്രജോദ് പറഞ്ഞു.
Recent Comments