കലാഭവന്‍ ഷാജോണ്‍ കേന്ദ്ര കഥാപാത്രത്തെ അവതരിപ്പിക്കുന്ന പുതിയ ചിത്രമാണ് സി.ഐ.ഡി. രാമചന്ദ്രന്‍ റിട്ട. എസ്.ഐ. നവാഗതനായ സനൂപ് സത്യനാണ് ചിത്രം സംവിധാനം ചെയ്യുന്നത്. സനൂപ് സത്യനും അനീഷ് വി. ശിവദാസും ചേര്‍ന്ന് തിരക്കഥ എഴുതുന്നു.
ചിത്രത്തിന്റെ പൂജയും ടൈറ്റിലില്‍ ലോഞ്ചും തിരുവനന്തപുരത്ത് നടന്നു. തിരുവാതിര കളിയോടെയായിരുന്നു ചടങ്ങുകള്‍ക്കു തുടക്കമായത്. സംവിധായകരായ ശങ്കര്‍ രാമകൃഷ്ണന്‍, തുളസീദാസ്, സുരേഷ് ഉണ്ണിത്താന്‍ മധുപാല്‍, നിര്‍മ്മാതാവ് ബി. രാകേഷ്, രഘുചന്ദ്രന്‍ നായര്‍, ഭാഗ്യലഷ്മി എന്നിവര്‍ ചേര്‍ന്ന് ഭദ്രദീപം തെളിയിച്ചു. തുളസീദാസ് സ്വിച്ചോണ്‍ കര്‍മ്മവും സുരേഷ് ഉണ്ണിത്താന്‍ ഫസ്റ്റ് ക്ലാപ്പും നല്‍കി. മധുപാല്‍, സുധീര്‍ കരമന, തുളസീദാസ്, സുരേഷ് ഉണ്ണിത്താന്‍, സജിന്‍ ലാല്‍, ഭാഗ്യലഷ്മി വി.കെ. ബൈജു, ബാലാജി ശര്‍മ്മ, കിരണ്‍ രാജ്, വിനു കിരിയത്ത്, കലാഭവന്‍ ഷാജോണ്‍ എന്നിവര്‍ ആശംസകള്‍ നേര്‍ന്നു. സുധന്‍രാജ് സ്വാഗതപ്രസംഗം നടത്തി.
‘പൂര്‍ണ്ണമായും ഒരു ഇന്‍വസ്റ്റിഗേറ്റീവ് ത്രില്ലറാണ് ചിത്രം. മുപ്പത്തിമൂന്നു വര്‍ഷത്തെ സര്‍വ്വീസിനു ശേഷം ഔദ്യോഗിക ജീവിതത്തില്‍നിന്ന് വിരമിച്ച ക്രൈംബ്രാഞ്ച് എസ്.ഐ. രാമചന്ദ്രന്‍ ഒരു കേസന്വേഷണം ഏറ്റെടുക്കുന്നു. ഔദ്യോഗിക പദവിയില്ലാത്തതുകൊണ്ടുതന്നെ ഏറെ പരിമിതികളും അയാള്‍ക്കുണ്ടായിരുന്നു. എന്നാല്‍ തന്റെ ബുദ്ധി വൈഭവത്തിലൂടെ ആ കേസിനെ സമീപിക്കാനുള്ള ശ്രമത്തിലാണ് രാമചന്ദ്രന്‍. എസ്.എ. രാമചന്ദ്രനെ അവതരിപ്പിക്കുന്നത് കലാഭവന്‍ ഷാജോണ്‍ ആണ്.’ സംവിധായകന്‍ സനൂപ് സത്യന്‍ പറഞ്ഞു.
ബൈജു സന്തോഷ്, സുധീര്‍ കരമന, അനു മോള്‍, ഇന്ദ്രന്‍സ്, പ്രേംകുമാര്‍, തുളസീദാസ്, വി.കെ. ബൈജു, ബാലാജി ശര്‍മ്മ, മനുരാജ്, ബാദുഷ എന്നിവരും പ്രധാന താരങ്ങളാണ്.
ഗാനങ്ങള്‍ ദീപക് ചന്ദ്രന്‍, സംഗീതം അനു ബി. നായര്‍, ഛായാഗ്രഹണം ജോ ക്രിസ്റ്റോ സേവ്യര്‍, എഡിറ്റര്‍ വിഷ്ണു വിശാഖ്, കലാസംവിധാനം മനോജ് മാവേലിക്കര, മേക്കപ്പ് ഒക്കല്‍ദാസ്, കോസ്റ്റ്യൂം ഡിസൈനര്‍ റാണാ പ്രതാപ്, പ്രോജക്റ്റ് ഡിസൈനര്‍ സുധന്‍ രാജ്
പ്രൊഡക്ഷന്‍ കണ്‍ട്രോളര്‍ സുനില്‍ പേട്ട, പി.ആര്‍.ഒ. വാഴൂര്‍ ജോസ്, ഫോട്ടോ ശാലു പേയാട്.
ഏ.ഡി. 1877 ഉം സെന്‍സ് ലോഞ്ച് എന്റെര്‍ടെയിന്‍മെന്റും ചേര്‍ന്നാണ് ചിത്രം നിര്‍മ്മിക്കുന്നത്. ഏപ്രില്‍ 20 ചിത്രത്തിന്റെ ഷൂട്ടിംഗ് തിരുവനന്തപുരത്ത് ആരംഭിക്കും.
Recent Comments