ഷിബു ചക്രവര്‍ത്തിയുടെ ഗാനരചനയില്‍ ഗോപി സുന്ദര്‍ സംഗീതസംവിധാനം നിര്‍വ്വഹിച്ച ‘ജീവന്‍’ ലെ ആദ്യഗാനം പുറത്തിറങ്ങി. സത്യം ഓഡിയോസാണ് ഗാനങ്ങള്‍ റിലീസ് ചെയ്തിരിക്കുന്നത്. ഗോപിക ഫിലിംസിന്റെ ബാനറില്‍ റൂബി വിജയന്‍സ് അവതരിപ്പിക്കുന്ന ചിത്രം നിര്‍മ്മിച്ചിരിക്കുന്നത് സുനില്‍ പണിക്കര്‍, വിഷ്ണു വിജയന്‍ എന്നിവരാണ്. രചനയും സംവിധാനവും നിര്‍വ്വഹിക്കുന്നത് വിനോദ് നാരായണന്‍. ഡിഒപി- സിനു സിദ്ധാര്‍ത്ഥ് എഡിറ്റിംഗ് ബാബു രത്‌നം. ട്രെയിലര്‍ കട്‌സ് ഡോണ്‍ മാക്‌സ്. കോസ്റ്റ്യൂമര്‍ വീണ അജി. മേക്കപ്പ് അനില്‍ നേമം. ആര്‍ട്ട് ഡയറക്ടര്‍ രജീഷ് കെ സൂര്യ. സ്റ്റില്‍സ് ഹരി തിരുമല, ശാലു പേയാട്. ആക്ഷന്‍ കൊറിയോഗ്രാഫി ഡ്രാഗണ്‍ ജിറോഷ്. കൊറിയോഗ്രാഫി ഡെന്നി പോള്‍. പ്രൊഡക്ഷന്‍ കണ്‍ട്രോളര്‍ ഷാജി ഒലവക്കോട്. പ്രൊഡക്ഷന്‍ എക്‌സിക്യൂട്ടീവ് ഷാജി കൊല്ലം.
ഒരു മദ്യപാനിയായ യുവാവിന്റെ വൈരുദ്ധ്യമാര്‍ന്ന ജീവിതശൈലിയാണ് ചിത്രം പറയുന്നത്. ജീവന്‍ എന്ന വ്യക്തിയുടെ ജീവിതത്തിലെ സമ്പന്നമാര്‍ന്ന വസന്തകാലവും, ദുരന്ത നാളുകളിലെ കൈപ്പേറിയ അനുഭവങ്ങളും ചിത്രത്തില്‍ വരച്ചുകാട്ടുന്നു. ജീവന്‍ എന്ന ടൈറ്റില്‍ കഥാപാത്രത്തെ സിനു സിദ്ധാര്‍ത്ഥ് അവതരിപ്പിക്കുന്നു.
ഒരേസമയം ക്യാമറയ്ക്ക് മുന്നിലും പിന്നിലും അഭിനേതാവായും ഛായാഗ്രാഹകനായും സിനു ചിത്രീകരണം പൂര്‍ത്തിയാക്കി. പ്രീതി ക്രിസ്റ്റീന പോള്‍ നായികയാവുന്നു. കായല്‍ എന്ന കഥാപാത്രത്തെയാണ് പ്രീതി അവതരിപ്പിക്കുന്നത്. മറ്റ് പ്രധാന അഭിനേതാക്കള്‍. റൂബി ബാലന്‍ വിജയന്‍, വിവിയ ശാന്ത്. നവോമി മനോജ്, സുഭാഷ് പന്തളം. കൂടാതെ വളരെ മര്‍മ്മപ്രധാനമായ കഥാപാത്രത്തെ സുനില്‍ പണിക്കര്‍ അവതരിപ്പിച്ചിരിക്കുന്നു. പി ആര്‍ഒ എം കെ ഷെജിന്‍.
Recent Comments