ബിജുക്കുട്ടനെ നായകനാക്കി ഹുസാന്‍ അറോണി തിരക്കഥ രചിച്ച് സംവിധാനം ചെയ്യുന്ന സിനിമയാണ് കള്ളന്മാരുടെ വീട്. ഹുസൈന്‍ അറോണിയുടെ മനസ്സില്‍ വന്ന ആശയമായിരുന്നു, ബിജുക്കുട്ടനെ കള്ളനാക്കി ഒരു സിനിമ ചെയ്യണമെന്നത്. കായംകുളം കൊച്ചുണ്ണി, മീശ മാധവന്‍ തുടങ്ങിയ കള്ളന്മാരുടെ കഥ പറഞ്ഞ സിനിമകള്‍ വലിയ ഹിറ്റുകളായിരുന്നു. ഹുസൈന്‍ അറോണി സ്വന്തമായി സിനിമ നിര്‍മിച്ചു സംവിധാനം ചെയ്തപ്പോള്‍ കുട്ടികള്‍ക്കൊപ്പം വീട്ടുക്കാര്‍ക്കും കണ്ട് ആസ്വദിക്കാവുന്ന ഒരു ഫിക്ഷന്‍ സ്റ്റോറിയാണ് ഒരുക്കിയത്.
മൈഡിയര്‍ കുട്ടിച്ചാത്തന്‍ എന്ന സിനിമയ്ക്ക് ശേഷം കുട്ടികള്‍ക്ക് ഇഷ്ടമാവുന്ന മായജാല കാഴ്ചകളും ചിത്രത്തിലുണ്ട്. കഥ ഉള്‍പ്പെടുത്തിയചിത്രം കൂടിയാണിത്. ബിജു കുട്ടനെ കൂടാതെ കള്ളത്തരം മനസ്സിലുള്ള ഉസ്താദിന്റെ വേഷത്തില്‍ നസീര്‍ സംക്രാന്തിയും അഭിനയിക്കുന്നു. ഉല്ലാസ് പന്തളം, ബിനീഷ് ബാസ്റ്റിയന്‍, ശ്രീകുമാര്‍ എന്നിവര്‍ക്കൊപ്പം പുതുമുഖങ്ങളും ചിത്രത്തിന്റെ ഭാഗമാകുന്നു.
കെ എച്ച് പ്രൊഡക്ഷന്‍സിന്റെ ബാനറില്‍ ഹുസൈന്‍ അറോണി നിര്‍മ്മിക്കുന്ന ചിത്രത്തിന്റെ ഛായാഗ്രഹണം വിപിന്ദ് വി രാജ് നിര്‍വ്വഹിക്കുന്നു. ജോയ്‌സ് ളാഹ, സുധാംശു എന്നിവരുടെ വരികള്‍ക്ക് അന്‍വര്‍ സാദത്ത്, ദക്ഷിണമൂര്‍ത്തി എന്നിവര്‍ സംഗീതം പകരുന്നു. ബിജിഎം എത്തിക്‌സ് മ്യൂസിക്, എഡിറ്റിംങ് സനു സിദ്ദിഖ്, എക്‌സിക്യൂട്ടീവ് പ്രൊഡ്യൂസര്‍ മുഹമ്മദ് ഷെറീഫ്, മുജീബ് റഹ്‌മാന്‍, ശ്രീകുമാര്‍ രഘുനാഥന്‍, കല മധു, ശിവന്‍ കല്ലടിക്കോട്. മേക്കപ്പ് സുധാകരന്‍, വസ്ത്രാലങ്കാരം ഉണ്ണി പാലക്കാട്, കൊറിയോഗ്രാഫര്‍ ശബരീഷ്, സ്റ്റില്‍സ് രാംദാസ് മാത്തൂര്‍, പരസ്യകല ഷമീര്‍, ആക്ഷന്‍ മാഫിയ ശശി, വിഘ്‌നേഷ്. ചീഫ് അസോസിയേറ്റ് ഡയറക്ടര്‍ ഹക്കിം ഷാ, അസിസ്റ്റന്റ് ഡയറക്ടര്‍ മുത്തു കരിമ്പ, പ്രൊഡക്ഷന്‍ കണ്‍ട്രോളര്‍ ചെന്താമരക്ഷന്‍ പിജി. പി.ആര്‍.ഒ. എം.കെ. ഷജിന്‍.
പുതുവത്സരത്തില്‍ ‘കള്ളന്മാരുടെ വീട്’ തിയേറ്ററുകളില്‍ പ്രദര്‍ശനത്തിനെത്തും.
Recent Comments