ഉലകനായകന്‍ കമല്‍ഹാസന്‍ നായകനാകുന്ന ഇന്ത്യന്‍ 2 ന്റെ ചിത്രീകരണം സെപ്തംബറില്‍ പുനരാരംഭിക്കും. ശങ്കര്‍ ഒരുക്കുന്ന ഈ ത്രില്ലര്‍ ചിത്രം 2020 ല്‍ താല്‍ക്കാലികമായി നിര്‍ത്തിവച്ചിരുന്നു. ചിത്രത്തിന് വേണ്ടിയുള്ള മുന്നൊരുക്കങ്ങള്‍ക്കായി കമല്‍ അമേരിക്കയിലാണ് ഇപ്പോഴുള്ളത്. മൂന്നാഴ്കള്‍ക്ക് ശേഷം മടങ്ങിയെത്തും.
1996 ല്‍ പുറത്തിറങ്ങിയ ഇന്ത്യന്‍ എന്ന സൂപ്പര്‍ ഹിറ്റ് ചിത്രത്തിന്റെ തുടര്‍ച്ചയായാണ് ചിത്രം ഒരുങ്ങുന്നത്. ചിത്രത്തില്‍ കാജല്‍ അഗര്‍വാള്‍, രാകുല്‍ പ്രീത്, സിദ്ധാര്‍ഥ്, പ്രിയ ഭവാനി ശങ്കര്‍ എന്നിവരും പ്രധാന വേഷത്തില്‍ എത്തുന്നു. അനിരുദ്ധ് ആണ് സംഗീതം ഒരുക്കുന്നത്. ഉദയനിധി സ്റ്റാലിനാണ് നിര്‍മ്മാതാവ്.
Read Also
2019 ലാണ് ഇന്ത്യന്‍ 2 ന്റെ ഷൂട്ടിംഗ് ആരംഭിച്ചത്. സിനിമയുടെ ചിത്രീകരണത്തിനിടെ ക്രെയിനില്‍നിന്ന് വീണ് മൂന്ന് സംവിധാനസഹായികള്‍ മരണപ്പെട്ടിരുന്നു. ഇതിനെത്തുടര്‍ന്ന് ചിത്രീകരണം നിര്‍ത്തിവയ്ക്കുകയായിരുന്നു. കോവിഡിന്റെ വരവോടെ ഷൂട്ടിംഗ് പൂര്‍ണ്ണമായും മുടങ്ങി. അതാണിപ്പോള്‍ പുനരാരംഭിക്കാന്‍ പോകുന്നത്.
Recent Comments