സംവിധായകന്‍ മണിരത്നവും ഉലകനായകന്‍ കമല്‍ഹാസനും ‘നായകന്‍’ സിനിമയ്ക്ക് കഴിഞ്ഞു 36 വര്‍ഷങ്ങള്‍ക്ക് ശേഷം ഒന്നിക്കുന്ന ‘തഗ് ലൈഫ്’ എന്ന ഗ്യാങ്സ്റ്റര്‍ ചിത്രത്തിന്റെ പുതിയ ട്രെന്‍ഡിങ് അപ്‌ഡേറ്റ് എത്തി. നവംബര്‍ 7 ന് കമല്‍ഹാസന്‍ തന്റെ 70-ാം ജന്മദിനം ആഘോഷിക്കുമ്പോള്‍, ചിത്രത്തിന്റെ റിലീസ് തിയതി അടങ്ങുന്ന ടീസര്‍ പുറത്തു വിട്ടിരിക്കുകയാണ് അണിയറപ്രവര്‍ത്തകര്‍. ചിത്രം അടുത്ത വര്‍ഷം ജൂണ്‍ അഞ്ചിന് തിയറ്ററുകളിലെത്തും. ആക്ഷന് പ്രാധാന്യം നല്‍കി ഒരുക്കുന്ന സിനിമയില്‍ രണ്ട് ഗെറ്റപ്പിലാണ് കമല്‍ ഹാസന്‍ എത്തുന്നത്. ടീസറില്‍ ചിമ്പുവിനെയും കാണാം.
സിലംബരശന്‍, തൃഷ, നാസര്‍, ജോജു ജോര്‍ജ്, അലി ഫസല്‍, അശോക് സെല്‍വന്‍, നാസര്‍, വയ്യാപൂരി, ഐശ്വര്യ ലക്ഷ്മി, അഭിരാമി, സാനിയ മല്‍ഹോത്ര എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്.
ഛായാഗ്രാഹകന്‍- രവി കെ ചന്ദ്രന്‍, സംഗീത സംവിധായകന്‍ എ ആര്‍ റഹ്‌മാന്‍, എഡിറ്റര്‍ ശ്രീകര്‍ പ്രസാദ്, ആക്ഷന് സംവിധായകരായ അന്‍ബരിവ് എന്നിവര്‍ തഗ് ലൈഫിന്റെ സാങ്കേതിക സംഘത്തിലുണ്ട്. കമല്‍ ഫിലിം ഇന്റര്‍നാഷണല്‍, മദ്രാസ് ടാക്കീസ് എന്നീ ബാനറുകളില്‍ കമല്‍ ഹാസന്‍, മണി രത്നം, ആര്‍ മഹേന്ദ്രന്‍, ശിവ ആനന്ദ് എന്നിവരാണ് തഗ് ലൈഫിന്റെ നിര്‍മ്മാതാക്കള്‍. പിആര്‍ഒ: വൈശാഖ് സി വടക്കേവീട്, ജിനു അനില്‍കുമാര്‍.
Recent Comments