ഇന്ത്യന്‍ സിനിമാലോകം ഏറെ ആകാംക്ഷയോടെ കാത്തിരിക്കുന്ന കമല്‍ ചിത്രമാണ് തഗ് ലൈഫ്. പൊന്നിയിന്‍ സെല്‍വന് ശേഷം മണിരത്‌നം സംവിധാനം ചെയ്യുന്ന ചിത്രത്തില്‍ മലയാളി പ്രേക്ഷകരുടെ പ്രിയപ്പെട്ട താരങ്ങളും അണിനിരക്കുന്നുണ്ട്. ഇപ്പോഴിതാ തഗ് ലൈഫിലെ താരങ്ങളുടെ പേര് ഔദ്യോഗികമായി പങ്കുവെച്ചിരിക്കുകയാണ് അണിയറ പ്രവര്‍ത്തകര്‍.
കമല്‍ ഹാസനൊപ്പം ദുല്‍ഖര്‍ സല്‍മാന്‍, ജോജു, ഐശ്വര്യ ലക്ഷ്മി എന്നിവരാണ് മലയാളത്തില്‍നിന്നും എത്തുന്നത്. ഗൗതം കാര്‍ത്തിക്, തൃഷ, ജയംരവി തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ആക്ഷന് പ്രാധാന്യമുള്ള ഒരു ഗ്യാങ്സ്റ്റര്‍ ചിത്രമായിരിക്കും തഗ് ലൈഫ് എന്നാണ് സൂചന. രംഗരായ ശക്തിവേല്‍ നായ്ക്കര്‍ എന്ന കഥാപാത്രത്തെയാണ് കമല്‍ഹാസന്‍ ചിത്രത്തില്‍ അവതരിപ്പിക്കുന്നത്.
An epic tale of power, rebellion, and triumph.#ThugLife shooting starts today!#ThugLifeShootBegins@ikamalhaasan #ManiRatnam @arrahman #Mahendran @bagapath @actor_jayamravi @trishtrashers @dulQuer @abhiramiact #Nasser @C_I_N_E_M_A_A @Gautham_Karthik @AishuL_ @MShenbagamoort3… pic.twitter.com/now70tsiFa
— Madras Talkies (@MadrasTalkies_) January 24, 2024
രാജ് കമല്‍ ഫിലിംസ് ഇന്റര്‍നാഷണല്‍ , മദ്രാസ് ടാക്കീസ്, റെഡ് ജയന്റ് മൂവീസ് എന്നിവയുടെ ബാനറില്‍ കമല്‍ ഹാസന്‍, മണിരത്‌നം, ആര് മഹേന്ദ്രന്‍, ശിവ അനന്ത് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. എ.ആര്. റഹ്‌മാനാണ് സംഗീത സംവിധാനം നിര്‍വ്വഹിക്കുന്നത്. എഡിറ്റിംഗ് ശ്രീകര്‍ പ്രസാദ്, ഛായാഗ്രഹണം രവി കെ. ചന്ദ്രന്‍, ആക്ഷന് കോറിയോ ഗ്രാഫി അന്‍പറിവ്, പ്രൊഡക്ഷന്‍ ഡിസൈനര്‍ ശര്‍മ്മിഷ്ഠ റോയ്, കോസ്റ്റിയൂം ഡിസൈനര്‍ ഏകാ ലഖാനി.
Recent Comments