കങ്കണ റനൗട്ടിന്റെ പുതിയ ബോളിവുഡ് ചിത്രം ‘ധക്കാദി’ന്റെ റിലീസ് പ്രഖ്യാപിച്ചു. രസ്‌നീഷ് ഗായ് സംവിധാനം ചെയ്യുന്ന ചിത്രം 2022 ഏപ്രില്‍ 8 ന് തിയേറ്ററുകളില്‍ എത്തുക. സ്പൈ ത്രില്ലറാണ് ചിത്രം. ‘ഏജന്റ് അഗ്‌നി’ എന്ന സ്പൈ ഓഫീസറുടെ വേഷത്തില്‍ കങ്കണയെത്തുന്നു.
ഫീമെയില്‍ ലീഡ് ആക്ഷന്‍ ചിത്രമായ ‘ധാക്കദ്’, തന്റെ കറിയറിലെന്ന പോലെ ഇന്ത്യന്‍ സിനിമയ്ക്കും ഒരു മുതല്‍ കൂട്ടായിരിക്കും എന്ന് കങ്കണ പറഞ്ഞു.
അര്‍ജുന്‍ റാംപാലും ദിവ്യ ദത്തയുമാണ് ചിത്രത്തില്‍ മറ്റ് പ്രധാന വേഷങ്ങളിലെത്തുന്നത്. മധ്യപ്രദേശിലും ബുഡാപെസ്റ്റിലുമായിട്ടാണ് സിനിമയുടെ ചിത്രീകരണം നടന്നത്. ഈ വര്‍ഷം ഒക്ടോബര്‍ 1 നാണ് റിലീസ് തീരുമാനിച്ചിരുന്നത്. എന്നാല്‍ കോവിഡ് പശ്ചാത്തലത്തില്‍ പോസ്റ്റ് പ്രൊഡക്ഷന്‍ ജോലികള്‍ നീണ്ടു പോയതോടെ റിലീസും മാറ്റിവയ്ക്കുകയായിരുന്നു.
തമിഴ്‌നാട് മുന്‍ മുഖ്യമന്ത്രി ജയലളിതയുടെ ജീവിതം പറഞ്ഞ തലൈവിയാണ് കങ്കണയുടേതായി ഒടുവില്‍ പ്രദര്‍ശനത്തിനെത്തിയ ചിത്രം.
Recent Comments