താന്‍ അമ്മയാകാന്‍ പോകുന്നുവെന്ന വാര്‍ത്ത വെളിപ്പെടുത്തി കരിക്ക് വെബ് സീരീസ് താരവും മോഡലുമായ സ്‌നേഹ ബാബു. താന്‍ ഗര്‍ഭിണിയാണെന്ന വിവരം രസകരമായ ഒരു വീഡിയോയിലൂടെ പങ്കുവച്ചു. വീഡിയോ ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുകയാണ്.
‘എല്ലാവരോടും പറയണം, എല്ലാവരും അറിയണം. അതാണ് അതിന്റെയൊരു മര്യാദ’ എന്ന വിനീത് ശ്രീനിവാസന്റെ ഡയലോഗ് ഉപയോഗിച്ച് രസകരമായാണ് സ്‌നേഹ തന്റെ ജീവിതത്തിലെ വലിയ സന്തോഷം വെളിപ്പെടുത്തിയത്. സുഹൃത്തുക്കളും സഹപ്രവര്‍ത്തകരും ആരാധകരും സ്‌നേഹയ്ക്ക് ആശംസകള്‍ അറിയിച്ചു.
View this post on Instagram
ഈ വര്‍ഷം ആദ്യമായിരുന്നു സ്‌നേഹ ബാബുവിന്റെ വിവാഹം നടന്നത്. സാമര്‍ത്ഥ്യ ശാസ്ത്ര എന്ന കരിക്ക് വെബ് സീരീസിന്റെ ഛായാഗ്രാഹകന്‍ അഖില്‍ സേവ്യറാണ് സ്‌നേഹയുടെ ഭര്‍ത്താവ്. ഇരുവരുടെയും പ്രണയവിവാഹമായിരുന്നു.
Recent Comments