കാര്‍ത്തി നായകനാകുന്ന സര്‍ദാര്‍ ഒക്ടോബര്‍ 21ന് റിലീസിനെത്തുന്നു. പി.എസ്. മിത്രന്‍ സംവിധാനം ചെയ്യുന്ന സര്‍ദാര്‍ നിര്‍മിച്ചിരിക്കുന്നത് പ്രിന്‍സ് പിക്‌ചേഴ്‌സിന്റ ബാനറില്‍ എസ്. ലക്ഷ്മണ്‍ കുമാറാണ്. കാര്‍ത്തിയുടെ കരിയറിലെ ഏറ്റവും മുതല്‍മുടക്കിലുള്ള ചിത്രമായിരിക്കും ഇത്.
പ്രേക്ഷകരില്‍ ആകാംക്ഷ നിറയ്ക്കുന്ന ടീസറാണ് ഇതിനോടകം സര്‍ദാര്‍ ടീം പുറത്തിറക്കിയിരിക്കുന്നത്. ടീസര്‍ റിലീസ് ചെയ്ത് മണിക്കൂറുകള്‍ക്കുള്ളില്‍ 55 ലക്ഷത്തിലധികം പേരാണ് യൂട്യൂബില്‍ കണ്ടത്. ഒരു സ്‌പൈ ആയിട്ടാണ് കാര്‍ത്തി ചിത്രത്തില്‍ അഭിനയിക്കുന്നത്. വ്യത്യസ്ത ഗെറ്റപ്പുകളില്‍ കാര്‍ത്തി പ്രത്യക്ഷപ്പെടുന്നുമുണ്ട്. റാഷി ഖന്ന, രജിഷ വിജയന്‍ എന്നിവരാണ് നായികമാര്‍. ചുങ്കെ പാണ്ഡെ, ലൈല, യൂകി സേതു, ദിനേശ് പ്രഭാകര്‍, മുനിഷ് കാന്ത്, യോഗ് ജേപ്പീ, മൊഹമ്മദ്അലി ബൈഗ്, ഇളവരശ്, മാസ്റ്റര്‍ ഋത്വിക്, അവിനാഷ്, ബാലാജി ശക്തിവേല്‍, ആതിരാ പാണ്ടിലക്ഷ്മി, സഹനാ വാസുദേവന്‍, മുരളി ശര്‍മ്മ, എന്നിവരാണ് മറ്റു പ്രധാന അഭിനേതാക്കള്‍.
ജി വി പ്രകാശ് കുമാറാണ് ചിത്രത്തിന്റെ സംഗീത സംവിധായകന്‍. ഛായാഗ്രാഹണം ജോര്‍ജ് സി വില്യംസ്. എഡിറ്റര്‍ റൂബന്‍. ദിലീപ് സുബ്ബരായന്‍ ആക്ഷന്‍ രംഗങ്ങള്‍ ഒരുക്കുന്ന ചിത്രത്തിന്റെ കോറിയോഗ്രാഫര്‍ ഷോബി പോള്‍ രാജാണ്.
ഫോര്‍ച്യൂണ്‍ സിനിമാസാണ് സര്‍ദാര്‍ കേരളത്തില്‍ പ്രദര്‍ശനത്തിനെത്തിക്കുന്നത്.
Recent Comments