കാര്‍ത്തിയെ നായകനാക്കി 2ഡി എന്റര്‍ടെയ്ന്‍മെന്റിന്റെ ബാനറില്‍ സൂര്യയും ജ്യോതികയും നിര്‍മ്മിക്കുന്ന ‘വിരുമന്‍’ ആഗസ്റ്റ് 31ന് റിലീസ് ചെയ്യുന്നു. മുത്തയ്യ രചനയും സംവിധാനവും നിര്‍വഹിക്കുന്ന വിരുമനില്‍ സംവിധായകന്‍ ഷങ്കറിന്റെ ഇളയപുത്രി അതിഥി ഷങ്കറാണ് നായിക. അതിഥിയുടെ അരങ്ങേറ്റചിത്രംകൂടിയാണിത്.
‘പരുത്തി വീരന്‍’ എന്ന ആദ്യ ചിത്രത്തിലൂടെ തന്നെ തമിഴ് സിനിമയില്‍ വേരോട്ടം നടത്തിയ കാര്‍ത്തിക്ക്, ഗ്രാമീണ വേഷത്തില്‍ മറ്റൊരു വഴിത്തിരിവായിരുന്നു മുത്തയ്യ സംവിധാനം ചെയ്ത ‘കൊമ്പന്‍ ‘. അതിനുശേഷം കാര്‍ത്തിയും മുത്തയ്യയും വീണ്ടും ഒന്നിക്കുന്ന ചിത്രമാണ് വിരുമന്‍.
രാജ് കിരണ്‍, പ്രകാശ് രാജ്, സൂരി എന്നിവര്‍ക്കൊപ്പം തെന്നിന്ത്യന്‍ സിനിമയിലെ മറ്റു പ്രമുഖ അഭിനേതാക്കളും അണിനിരക്കുന്ന വിരുമന്‍ ഗ്രാമീണ പശ്ചാത്തലത്തില്‍ ഒരുക്കുന്ന ആക്ഷന്‍ എന്റര്‍ടൈനറായിരിക്കും. എസ്.കെ. ശെല്‍വകുമാര്‍ ഛായാഗ്രഹണവും യുവന്‍ ഷങ്കര്‍രാജ സംഗീത സംവിധാനവും നിര്‍വഹിക്കുന്നു. രാജശേഖര്‍ കര്‍പ്പൂര സുന്ദരപാണ്ഡ്യനാണ് സഹ നിര്‍മ്മാതാവ്. വാര്‍ത്താപ്രചരണം സി.കെ. അജയ് കുമാര്‍.
Recent Comments