നടന്‍ കാര്‍ത്തിയുടെ പുതിയ ചിത്രത്തിന് ടൈറ്റിലായി- ‘മെയ്യഴകന്‍.’ കാര്‍ത്തിയുടെ 27-ാമത്തെ ചിത്രം കൂടിയാണിത്. കാര്‍ത്തിക്കൊപ്പം അരവിന്ദ സാമിയും പ്രധാന കഥാപാത്രത്തെ അവതരിപ്പിക്കുന്നു. ശ്രിദിവ്യയാണ് നായിക.
’96’ എന്ന സൂപ്പര്‍ ഹിറ്റ് സിനിമയിലൂടെ ശ്രദ്ധേയനായ പ്രേംകുമാറാണ് പുതിയ കാര്‍ത്തി ചിത്രത്തിന്റെ സംവിധായകന്‍. ഇതിന്റെ ഫസ്റ്റ് ലുക്ക്, സെക്കന്‍ഡ് ലുക്ക് പോസ്റ്ററുകള്‍ കാര്‍ത്തിയുടെ ജന്മ ദിനം പ്രമാണിച്ചു അണിയറ പ്രവര്‍ത്തകര്‍ പുറത്തിറക്കി. മെയ് 25 ആണ് കാര്‍ത്തിയുടെ ജന്മദിനം.
കാര്‍ത്തിയുടെ സോളോ പോസ്റ്ററും കാര്‍ത്തിയും അരവിന്ദ സാമിയുമായുള്ള പോസ്റ്ററുമാണ് യാഥാക്രമം പുറത്തു വിട്ടിരിക്കുന്നത്. മിനിറ്റുകള്‍ കൊണ്ട് തന്നെ പോസ്റ്ററുകള്‍ സോഷ്യല്‍ മീഡിയകളില്‍ വൈറലായി.
ഗോവിന്ദ് വസന്തയാണ് സംഗീത സംവിധാനം നിര്‍വഹിക്കുന്നത്. തമിഴകത്ത് വന്‍ വിജയം നേടിയ ‘വിരുമന്‍’ എന്ന ചിത്രത്തിന് ശേഷം 2ഡി എന്റര്‍ടെയ്ന്‍മെന്റ് കാര്‍ത്തിയെ നായകനാക്കി നിര്‍മ്മിക്കുന്ന സിനിമയാണിത്. സൂര്യയും ജ്യോതികയുമാണ് 2ഡി എന്റര്‍ടെയ്ന്‍മെന്റിന്റെ ഉടമകള്‍. രാജശേഖര്‍ കര്‍പ്പൂര കര്‍പ്പൂര പാണ്ഡ്യനാണ് സഹ നിര്‍മ്മാതാവ്. കാര്‍ത്തി, അരവിന്ദ സാമി, ശ്രിദിവ്യ, രാജ് കിരണ്‍, ജയ പ്രകാശ്, ശരന്‍ എന്നിവര്‍ ചിത്രത്തില്‍ മുഖ്യ കഥാപാത്രങ്ങളെ അവതരിപ്പിക്കുന്നു.
പി.ആര്.ഒ. സി.കെ. അജയ് കുമാര്‍.
Recent Comments