സൂര്യയും കാര്‍ത്തിക് സുബ്ബരാജും ആദ്യമായി ഒന്നിക്കുന്ന പുതിയ ചിത്രത്തിന്റെ ഗ്ലിംപ്‌സ് വീഡിയോ പുറത്ത് വിട്ടിരിക്കുകയാണ് അണിയറ പ്രവര്‍ത്തകര്‍. സൂര്യ 44 എന്നാണ് താല്‍ക്കാലികമായി പേര് നല്‍കിയിരിക്കുന്നത്. സൂര്യയുടെ പിറന്നാളിനോടനുബന്ധിച്ചാണ് വിഡിയോ പുറത്ത് വിട്ടിരിക്കുന്നത്.
ചിത്രത്തിന്റെ ആദ്യ ഷെഡ്യൂള്‍ അന്തമാന്‍ നിക്കോബാര്‍ ദ്വീപില്‍ പൂര്‍ത്തിയായി. നായകനാണോ വില്ലനാണോ എന്ന് സംശയം ജനിപ്പിക്കും വിധത്തിലാണ് സൂര്യ വീഡിയോയില്‍ പ്രത്യക്ഷപ്പെടുന്നത്. സൂര്യയുടെ 2ഡി എന്റര്‍ടെയ്ന്‍മെന്റ്‌സും കാര്‍ത്തിക് സുബ്ബരാജിന്റെ സ്‌റ്റോണ്‍ബെഞ്ച് ഫിലിംസും ചേര്‍ന്നാണ് സൂര്യ 44 നിര്‍മ്മിക്കുന്നത്.
An unveiling maverick, ready to conquer 🔥
Join the frenzy for #LoveLaughterWar and beyond!Happy Birthday THE ONE ❤️🔥#HappyBirthdaySuriya #HBDTheOneSuriya
Wishes from team #Suriya44@Suriya_Offl @karthiksubbaraj @hegdepooja @Music_Santhosh @rajsekarpandian @kaarthekeyens… pic.twitter.com/JlxJnJB77E— 2D Entertainment (@2D_ENTPVTLTD) July 22, 2024
പ്രണയം, ചിരി, യുദ്ധം എന്ന ടാഗ് ലൈനുള്ള ചിത്രത്തില്‍ മലയാളി താരങ്ങളായ ജയറാമും ജോജു ജോര്‍ജും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. പൂജ ഹെഗ്‌ഡെയാണ് നായിക.
ശിവ സംവിധാനം ചെയ്യുന്ന കങ്കുവയാണ് സൂര്യയുടേതായി പുറത്തിറങ്ങാനിരിക്കുന്ന ഏറ്റവും പുതിയ ചിത്രം.
Recent Comments