കാര്‍ത്തി നായകനാകുന്ന സുല്‍ത്താന്‍ റിലീസിനൊരുങ്ങുന്നു. കേരളത്തില്‍ ചിത്രത്തിന്റെ വിതരണ അവകാശം ഫോര്‍ച്യൂണ്‍ സിനിമാസിനാണ് നല്‍കിയിരിക്കുന്നതെന്ന് നിര്‍മ്മാതാക്കളായ ഡ്രീം വാരിയര്‍ പിക്‌ചേഴ്‌സ് അറിയിച്ചു. നേരത്തെ വിജയുടെ മാസ്റ്റര്‍ കേരളത്തില്‍ കൊച്ചി, മലബാര്‍ മേഖലയില്‍ വിതരണം ചെയ്തതും ഫോര്‍ച്യൂണ്‍ സിനിമാസായിരുന്നു.
റെമോ എന്ന ശിവകാതികേയന്‍ ചിത്രത്തിലൂടെ ശ്രദ്ധേയനായ ഭാഗ്യരാജ് കണ്ണന്‍ രചനയും സംവിധാനവും നിര്‍വഹിച്ച സുല്‍ത്താനിലെ നായിക രശ്മിക മന്ധാണയാണ്. ആക്ഷനും വൈകാരികതയും കോര്‍ത്തിണക്കിയ ഒരു വൈഡ് കാന്‍വാസ് ചിത്രമാണ് സുല്‍ത്താന്‍. ഒട്ടേറെ അഭിനേതാക്കള്‍ അണിനിരക്കുന്ന ചിത്രത്തില്‍ ലാലും ശ്രദ്ധേയ കഥാപാത്രത്തെ അവതരിപ്പിക്കുന്നു. സത്യന്‍ സൂര്യനാണ് ഛായാഗ്രാഹകന്‍. വിവേക്, മെര്‍വിന്‍ എന്നിവര്‍ ചേര്‍ന്നാണ് സംഗീതമൊരുക്കിയിരിക്കുന്നത്. സുല്‍ത്താന്‍ ഏപ്രില്‍ രണ്ടിന് റിലീസിനെത്തും. പി.ആര്.ഒ. സി.കെ. അജയ് കുമാര്‍.
Recent Comments