സാധാരണയായി പാട്ട് ഹിറ്റായശേഷമാണ് ഡാന്‍സ് കോമ്പറ്റീഷനും മറ്റും നടത്തുന്നത്. ആദ്യമായാണ് സ്റ്റുഡിയോയില്‍ ജാസ്സി ഗിഫ്റ്റ് പാടുന്ന ഭാഗം മാത്രം റിലീസ് ചെയ്തു കൊണ്ട് റീല്‍സിനായി പ്രത്യേകം തയ്യാറാക്കിയതാണെന്ന തലക്കെട്ടോടെ ഗാനം റിലീസ് ചെയ്യുന്നത്.
വ്യത്യസ്തമായ സംഗീതവും വരികളും കേള്‍ക്കുമ്പോള്‍ തന്നെ മനസ് കൊണ്ട് നൃത്തംചെയ്യാന്‍ തോന്നുന്ന സംഗീതം ചിട്ടപ്പെടുത്തിയത് ദേവേഷ് ആര്‍. നാഥാണ്. മൂന്നു പാട്ടുകളില്‍ രണ്ടും ജാസ്സി ഗിഫ്റ്റാണ് ആലപിച്ചിരിക്കുന്നത്.
കെങ്കേമം ഒരു കംപ്ലീറ്റ് മ്യൂസിക്കല്‍ കോമഡി എന്റര്‍ടെയിനര്‍ ജോണറിലാണ് തയ്യാറാകുന്നത്. യുവാക്കളെ ലക്ഷ്യമിട്ടുകൊണ്ടാണ് സിനിമയുടെ കഥാരൂപമെങ്കിലും കംപ്ലീറ്റ് ഫാമിലി എന്റര്‍ടെയിനറായിരിക്കും ചിത്രം. അതിനു വേണ്ട എല്ലാ ചേരുവകകളും ചിത്രത്തിലുണ്ടാകും എന്നും സംവിധായകന്‍ ഷാഹ്‌മോന്‍ ബി. പാറേലില്‍ പറയുന്നൂ.
ഭഗത് മാന്വല്‍, നോബി വര്‍ഗീസ്, ലെവിന്‍ സൈമണ്‍, സലിം കുമാര്‍, അബു സലിം, സുനില്‍ സുഗത, പാഷാണം ഷാജി, മന്‍രാജ്, നിയാസ് ബക്കര്‍, ബാദുഷ, അരിസ്റ്റോ സുരേഷ്, മോളി കണ്ണമാലി, നിസാര്‍, കലാഭവന്‍ ഹനീഫ, ചിത്രേഷ് നടേശന്‍ തുടങ്ങി ഒരു വലിയ താരനിരതന്നെ ചിത്രത്തിലണിനിരക്കുന്നുണ്ട്.
ഓണ്‍ഡിമാന്‍ഡ്സിന്റെ ബാനറില്‍ നിര്‍മ്മിക്കുന്ന ചിത്രത്തിന്റെ ക്യാമറ വിജയ് ഉലകനാഥും ജോസഫ് നെല്ലിക്കല്‍ ആര്‍ട്ടും ലിബിന്‍ മോഹനന്‍ മേക്കപ്പും ഭക്തന്‍ മാങ്ങാട് വസ്ത്രാലങ്കാരവും നിര്‍വ്വഹിക്കുന്നു. പിആര്‍ഒ അയമനം സാജന്‍.
Recent Comments