സിനിമാപ്രേക്ഷകര്‍ ആവേശത്തോടെ കാത്തിരുന്ന ‘കെജിഎഫ് 2’ ട്രെയിലര്‍ എത്തി. പ്രശാന്ത് നീല്‍ സംവിധാനം ചെയ്യുന്ന ചിത്രത്തില്‍ യാഷ് നായകനായും സഞ്ജയ് ദത്ത് വില്ലനായും എത്തുന്നു.
കെ.ജി.എഫ് ഒരു മാസ് സിനിമയായിരുന്നു. ഇപ്പോഴിതാ ഒന്നാം ഭാഗത്തിനെ വെല്ലുന്ന രീതിയിലാണ് രണ്ടാം ഭാഗത്തിലെ രംഗങ്ങള്‍ ട്രെയിലറിലൂടെ ചൂണ്ടികാട്ടുന്നത്. 1951 മുതല്‍ വര്‍ത്തമാനകാലംവരെയുള്ള കഥയാണ് കെ.ജി.എഫ് രണ്ടാംഭാഗത്തില്‍ പറയുന്നത്.
ഹോംബേല്‍ ഫിലിംസിന്റെ ബാനറില്‍ വിജയ് കിരഗണ്ടൂരാണ് ചിത്രം നിര്‍മ്മിച്ചിരിക്കുന്നത്. ശ്രീനിധി ഷെട്ടി, രവീണ ഠണ്ടന്‍, പ്രകാശ്‌രാജ് തുടങ്ങിയ പ്രമുഖ താരങ്ങളും ചിത്രത്തില്‍ അണിനിരക്കുന്നുണ്ട്.
2018 ഡിസംബറിലാണ് ചിത്രത്തിന്റെ ആദ്യഭാഗം പുറത്തിറങ്ങിയത്. ചിത്രം വളരെ ആവേശത്തോടെയാണ് പ്രേക്ഷകര്‍ ഏറ്റെടുത്തത്. കെ.ജി.എഫ് 2 കേരളത്തില്‍ പ്രദര്‍ശനത്തിനെത്തിക്കുന്നത് പൃഥ്വിരാജ് പ്രൊഡക്ഷന്‍സാണ്. ചിത്രം ഏപ്രില്‍ 14 ന് തീയേറ്ററുകളിലെത്തും.
Recent Comments