ആഗസ്റ്റ് 24 നു ലോകവ്യാപകമായി തിയേറ്ററിലേക്കെത്തുന്ന കള്‍ട്ട് ക്ലാസിക് ചിത്രം കിംഗ് ഓഫ് കൊത്തയുടെ തമിഴകത്തെ പ്രൊമോഷന്‍ ഇന്നലെ ചെന്നൈ എക്‌സ്പ്രസ്സ് അവന്യൂ മാളില്‍ നടന്നു. ദുല്‍ഖര്‍ സല്‍മാനെ കാണാന്‍ വന്‍ ജനാവലിയാണ് തടിച്ചുകൂടിയത്. അവര്‍ കൊത്തയിലെ രാജാവിനും കിംഗ് ഓഫ് കൊത്തയ്ക്കും വര്‍ണാഭമായ വരവേല്‍പ്പ് നല്‍കി. കലാപകാര നൃത്തചുവടുകളും തന്റെ പ്രിയ താരമായ സൂര്യയുടെ സിനിമാഗാനങ്ങളും പാടി ദുല്‍ഖര്‍ ആരാധകര്‍ക്ക് ആഹ്ലാദ നിമിഷങ്ങള്‍ സമ്മാനിച്ചു.
കേരളത്തിലെ ആഡിയോ റിലീസ് കൊച്ചി രാജീവ് ഗാന്ധി ഇന്‍ഡോര്‍ സ്റ്റേഡിയത്തില്‍ നാളെ വൈകിട്ട് ആറ് മണിക്ക് നടക്കും. സെന്‍സറിങ് പൂര്‍ത്തിയായ ചിത്രത്തിന് യുഎ സര്‍ട്ടിഫിക്കറ്റാണ് ലഭിച്ചിരിക്കുന്നത്.
കിംഗ് ഓഫ് കൊത്തയുടെ ബുക്കിംഗ് ആരംഭിച്ചത് മുതല്‍ ടിക്കറ്റ് വില്പനയില്‍ ട്രെന്‍ഡിങ് തുടരുകയാണ്. അന്യഭാഷാ ബിഗ് ബഡ്ജറ്റ് ചിത്രങ്ങള്‍ പോലും ആദ്യ ദിനത്തിന്റെ റിപ്പോര്‍ട്ടിനുശേഷമാണ് അഡിഷണല്‍ ഷോകള്‍ ആരംഭിക്കുന്നത്. കിംഗ് ഓഫ് കൊത്തയുടെ ആദ്യ ദിനങ്ങളിലെ നോര്‍മല്‍ ഷോകള്‍ പോലും ഹൗസ് ഫുള്‍ ആയതിനാല്‍ അഡീഷണല്‍ ഷോകള്‍ പ്രമുഖ തിയേറ്ററുകള്‍ ചാര്‍ട്ടു ചെയ്തു കഴിഞ്ഞു. ഒരു കോടിയില്‍ പരം രൂപയുടെ അഡ്വാന്‍സ് ബുക്കിങ്ങുകള്‍ ഇതിനോടകം നടന്നു കഴിഞ്ഞു.
റിലീസ് ദിവസമായ ആഗസ്റ്റ് 24 ന് രാവിലെ ഏഴുമണിക്ക് നൂറില്‍ പരം ഫാന്‍സ് ഷോകളുമുണ്ടാകും. അതെല്ലാം ഇപ്പോള്‍തന്നെ ഹൗസ് ഫുള്ളായി കഴിഞ്ഞു.
Recent Comments