ഭീഷ്മപര്‍വ്വത്തിന്റെ വന്‍ വിജയത്തിനു ശേഷം അമല്‍ നീരദ് സംവിധാനം ചെയ്യുന്ന പുതിയ ചിത്രത്തില്‍ കുഞ്ചാക്കോ ബോബനാണ് നായകന്‍. ജ്യോതിര്‍മയിയും ഷറഫുദ്ദീനും വീണാ നന്ദകുമാറുമാണ് കാസ്റ്റ് ചെയ്യപ്പെട്ട മറ്റ് താരങ്ങള്‍. കൂടുതല്‍ താരങ്ങളെ കണ്ടെത്താനുള്ള ചര്‍ച്ചകള്‍ നടക്കുകയാണ്. ചിത്രത്തിന്റെ ഷൂട്ടിംഗ് രണ്ട് ദിവസമാണ് നടന്നത്. തുടര്‍ന്ന് ബ്രേക്ക് ചെയ്തു. സെപ്തംബര്‍ 22 ന് സെക്കന്റ് ഷെഡ്യൂള്‍ എറണാകുളത്ത് ആരംഭിക്കും.
ഇതാദ്യമായാണ് കുഞ്ചാക്കോ ബോബനും അമല്‍ നീരദും ഒന്നിക്കുന്നത്. ആക്ഷന്‍ ത്രില്ലറായിരിക്കും ചിത്രം. സുഷിന്‍ ശ്യാം സംഗീതം പകരുന്ന ചിത്രത്തിന്റെ ഛായാഗ്രഹണം ആനന്ദ് സി. ചന്ദ്രനാണ്.
Recent Comments