ഭീഷ്മപര്‍വ്വതിനുശേഷം അമല്‍ നീരദ് സംവിധാനം ചെയ്യുന്ന ചിത്രത്തില്‍ കുഞ്ചാക്കോ ബോബനും ഫഹദ് ഫാസിലും ഒന്നിക്കുന്നു. കുഞ്ചാക്കോ ബോബന്റെ ക്യാരക്ടര്‍ പോസ്റ്റര്‍ പുറത്തു വന്നതിനു പിന്നാലെയാണ് സര്‍പ്രൈസായി ഫഹദിന്റെ ലുക്ക് പുറത്തു വിട്ടത്. ഇതാദ്യമായാണ് കുഞ്ചാക്കോ ബോബനും അമല്‍ നീരദും ഒന്നിക്കുന്നത്.
തോക്കുമായി രൂക്ഷഭാവത്തില്‍ നില്‍ക്കുന്ന ഫഹദിനെ പോസ്റ്ററില്‍ കാണാം. സമാനമായ ലുക്കിലുള്ള ചാക്കോച്ചന്റെ ലുക്കും നേരത്തെ റിലീസ് ചെയ്തിരുന്നു. തികഞ്ഞൊരു ആക്ഷന്‍ ചിത്രമാണ് അണിയറയില്‍ ഒരുങ്ങുന്നതെന്നാണ് അറിയുന്നത്. ഇയ്യോബിന്റെ പുസ്തകം, വരത്തന്‍ എന്നീ ചിത്രങ്ങള്‍ക്കുശേഷം ഫഹദും അമല്‍ നീരദും ഒന്നിക്കുന്ന ചിത്രമാണിത്.
View this post on Instagram
ജ്യോതിര്‍മയി, ഷറഫുദ്ദീന്‍, വീണ നന്ദകുമാര്‍, സ്രിന്ധ എന്നിവരും മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. സുഷിന്‍ ശ്യാമാണ് സംഗീതം ഒരുക്കുന്നത്. ഛായാഗ്രഹണം ആനന്ദ് സി. ചന്ദ്രനും.
ക്രൈം ത്രില്ലര്‍ നോവലുകളിലൂടെ ശ്രദ്ധ നേടിയ ലാജോ ജോസിന്റെ പുസ്തകത്തെ ആസ്പദമാക്കിയാണ് ചിത്രം ഒരുങ്ങുന്നതെന്നാണ് സൂചന.
Recent Comments