അജഗജാന്തരത്തിനുശേഷം ടിനു പാപ്പച്ചന്‍ സംവിധാനം ചെയ്യുന്ന ചിത്രത്തില്‍ കുഞ്ചാക്കോ ബോബന്‍ കേന്ദ്ര കഥാപാത്രത്തെ അവതരിപ്പിക്കുന്നു. ആന്റണി വര്‍ഗ്ഗീസും അര്‍ജുന്‍ അശോകനുമാണ് മറ്റ് താരങ്ങള്‍. ചിത്രത്തിന് ടൈറ്റില്‍ ആയിട്ടില്ല. ജൂലൈ 14 ന് കണ്ണൂരില്‍ ഷൂട്ടിംഗ് തുടങ്ങും. ശക്തമായ മഴ തുടരുകയാണെങ്കില്‍മാത്രം ഷൂട്ടിംഗ് തീയതിയില്‍ മാറ്റം വന്നേക്കും.
ജോയി മാത്യുവാണ് ഇത്തവണ ടിനു പാപ്പച്ചന്‍ ചിത്രത്തിനുവേണ്ടി കഥയും തിരക്കഥയും സംഭാഷണവും എഴുതുന്നത്. ടിനുവിന്റെ ആദ്യ രണ്ട് ചിത്രങ്ങളില്‍നിന്ന് (സ്വാതന്ത്ര്യം അര്‍ദ്ധരാത്രിയില്‍, അജഗജാന്തരം) വ്യത്യസ്തമായി ത്രില്ലര്‍ ഗണത്തില്‍ പെടുത്താവുന്ന ചിത്രംകൂടിയാവും ഇത്. പതിവുപോലെ ഈ ടിനു പാപ്പച്ചന്‍ ചിത്രവും നായികാപ്രാധാന്യമുള്ളതല്ല. എങ്കിലും ചെറുതും വലുതുമായ അറുപത്തിയഞ്ചോളം താരങ്ങള്‍ ചിത്രത്തിന്റെ ഭാഗമാകും. രാജേഷ് ശര്‍മ്മ, തിങ്കളാഴ്ച നിശ്ചയം ഫെയിം കെ.യു. മനോജ്, അനുരൂപ് തുടങ്ങിയവര്‍ പ്രധാന താരനിരക്കാരില്‍ ചിലരാണ്.
അരുണ്‍ നാരായണ്‍ ആണ് ഈ ബിഗ് ബജറ്റ് ചിത്രം ഒരുക്കുന്നത്. ഈശോയ്ക്ക് ശേഷം അരുണ്‍ നാരായണ്‍ പ്രൊഡക്ഷന്‍ നിര്‍മ്മിക്കുന്ന ചിത്രംകൂടിയാണിത്.
ജിന്റോ ജോര്‍ജ് ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ കലാസംവിധായകന്‍ ഗോകുല്‍ദാസും എഡിറ്റര്‍ നിഷാദ് യൂസഫുമാണ്.
Recent Comments